Espainiako Gobernuak debekatutako Iruñeko mobilizazioari eutsi egingo dio Amnistiaren Aldeko eta Errepresioaren Aurkako Mugimenduak
Larunbaterako deitutako mobilizazioa debekatu egin du Espainiako Gobernuak Nafarroan duen Delegazioak. Deialdiaren erregistroa egin zuen pertsonak mobilizazioa deitzeari uko egingo dio, eta bere tokian Amnistiaren Aldeko eta Errepresioaren Aurkako Mugimenduak eutsiko dio deialdiari.
“Borrokak ez du etenik. Amnistia osoa!” lelopean, manifestazioa zegoen deituta Iruñean ekainaren 27ko larunbaterako. Amnistiaren Aldeko eta Errepresioaren Aurkako Mugimenduak asteazkenez bidalitako idatzian jakitera eman duenez, baina, Espainiako Gobernuak Nafarroan duen Delegazioak debekatu egin du deialdia, komunikazioa epez kanpo egin dela eta manifestazioa urgentziaz deitzeko motiborik ez dagoela argudiatuta. Mugimenduak aitzakiatzat jo ditu argudio horiek: “Aitzakia diogu manifestazioen debekuak etengabeak direlako Nafarroan, hauek faxistek deituak ez direnean. Patxi Ruizen egoera salatzeko manifestazio bat debekatu zuten Iruñean, maiatzean, larrialdi sanitarioaren aitzakiapean. Ez ordea Vox alderdi faxistarena edo zezenketen aldekoa, izan ere Vox, PSOE, Podemos eta zezenketa-zaleak sistema eta interes berberen kudeatzaile edota onuradunak dira”.
Amnistiaren Aldeko eta Errepresioaren Aurkako Mugimenduak adierazi adierazi du herriak ez diola baimenik eskatu behar inori bere eskubideak gauzatzeko, “are gutxiago eskubide horiek urratzen dituztenei”. Hala bada, beraiek hartuko dute manifestazioa erregistratu zuen pertsonaren lekukoa, eta deialdiari eutsiko diote debekuak-debeku. Hala, larunbatean, hilak 27, Iruñeko Errekoleten plazatik abiatuko da manifestazioa 18:00etan.
Apirilaren 2an eta 3an epaituko dituzten ‘Txetx’ Etxeberri eta Beatrice Molle-Haran bakegileen errugabetzea eskatu dute 200 bat lagunek eta ETAren armagabetzea bideratzeko eginiko “desobedientzia ekimena”, zilegi izan zela aldarrikatu nahi dute.
Palestinarekin Elkartasuna ekimenak urriaren 28rako manifestazio nazionala antolatu du Bilbon. Antolatzaileek salatu dute “larriena” dela Mendebaldea palestinarren aurkako genozidio eta gerra krimenaren “gidari” eta “babesle” izaten ari dela... [+]
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Arnaldo Otegi koordinatzaile nagusiak kaleetan egotearen garrantzia azpimarratu du, “auzi nazionalei irtenbide demokratikoa emateko eztabaida” mahai gainean dagoelako eta euskaldunek “erdigunean” egon behar dutelako.
Epaiketan argi geratu da ez zuela agintaritzaren aurkako atentaturik egin, baina sei hilabeteko espetxe zigorra eta isun ekonomikoa ezarri dizkiote, atxiloketan erresistentzia egitea leporatuta. Espetxera ez da sartu beharko.