Eskuz idatzita
Begi aurrean duzun hau eskuz dago idatzita, irakurle. Ordenagailuz idazten ditut normalean hemengoak, baina gaur gorputzak halaxe agindu dit, behar duela hemen bere arrastoa utzi, bere nekearen eta ezinen berri eman. Eta nor naiz ni gorputzari kontra egiteko, berak ere sufritzen badu? Izan ere, gorputza eta gainontzekoak atezuan dauzkat, abenduaren 15etik. Lo ere, gutxiago; eta ohea fakirren ohantze bilakatu zaigu. Gauaren erdian esnatzen gara, eta gogoan alegazioak, mezuak, bilerak eta deiak ditugu biraka. Loaren besoetan erori baino lehenagoko itolarriak zama ezartzen du, hemen, bularraren atzealdean. Bizkarra protestan da.
aurre egingo dieten hedabide independenteak
Haserre dago, EHAAn, abenduaren 15ean, bost zentral eolikoen proiektuak argitaratu zirelako. Horietako bi Urola bailaran, bata bestearen ondoan: Buruzai eta Trekutz. Buruzai izenaren atzean Oleta, Izazpi eta Samiño mendiak daude. Trekutzen atzean, Irimo eta Meaka.
Ez gaitu harritu iragarkia Eguberrien atarian heltzeak –Energia Berriztagarrien plan sektoriala hauteskunde garaian etorri zen bezala–. Haserretu bai, eta genuen beldurra ikara bilakatu digu. Hilabeteko epea dugu CILDA ENERGY S.L.U. enpresak –Green Capital Power multinazionalak, alegia– aurkeztutako proiektuei helegiteak jartzeko, opor garai honek beharrezkoak diren eremu askotan eragina izan arren: abokatu-bulegoetan, udaletan, herritarrongan... Eta ez, ez da kasualitatea.
Hilabete honetan mila orrialde baino gehiago dituzten proiektuak irakurri eta aztertu behar ditugu, gerora eraginkorrak diren helegiteak aurkeztu ahal izateko. Herritarren gehiengoak ezer asko ez dakienez, informazio ahalik eta osatuena ere zabaldu egin behar.
Irimo eta Meaka mendien defentsan herritarrok Antzuola eta Urretxuko udalekin batera ari gara. Herrigintzaren adibide garbia; multinazional baten bortxatik abiatuta, herritarrekiko konpromisoz eta arduraz jokatzea, maite ditugun eta egiten gaituzten mendiak txikiziotik salbatzeko. Txikizio bere zentzu literalean; ezin baitira, bestela, tontorrean ezarri 200 metroko aerosorgailuak.
Kontuak bestelakoak dira Oleta, Izazpi eta Samiñoren kasuan. Gaur gaurkoz, herritarron babesa baino ez baitute mendiok. Ez da gutxi, baina agian ez nahikorik. Azkoitia, Azpeitia eta Zumarragako udalek –EAJ, EHBildu eta PSE, hurrenez hurren– ez omen dute inongo asmorik agertu mendi horiek Green Capital Power multinazionalaren atzaparretatik libratzeko. Herriarekiko ardura haizeak eraman omen du.
Alderdiei berdin die bertan dagoen ondare arkeologikoak. Berdin, babestutako espezien bizilekua izateak –batzuk desagertzeko arriskuan–. Berdin, mendi horiek euren herritarren ongizatean duten eraginak, eta herriei egiten dieten ekarpenak, denon arnasguneak diren heinean, besteak beste.
Bitartean, herritarrok erabaki dugu gure gain hartzea, denona dena defenditzeko ardura. Abokatu-bulego baten kontratazioak 7.500€ balio ditu. Gure poltsikoetarako zulo handi samarra izan arren, ez da asko mendi horien balioa zein den ikusita.
Onura publikoa bolo-bolo erabiltzen dute alderdietako ordezkariek landa-eremua eta natur-guneak multinazionalei opari emateko. Ez ote da izango, ordea, onuragoa eta publikoagoa herritarroi mendi horiek dauden bezala ematen digutena?
Eskuok bideratu dute gorputzaren ezina paperera. Paperean irakurriko du gorputzak mendiarekiko maitasunak duen indarra. Eta iltzeak artilezko lastaira bilakatuko.
Herri plataformak adierazi du 'Mendi' zentral eolikoak Orozkon (Bizkaia) ere lurrak hartzen dituela eta plan bereziko onarpenerako aurretiko izapidea abiatzea agindu duela Arabako Foru Aldundiak.
Bizkaian, Artzentales eta Sopuerta artean Euskal Haizie enpresak eraiki asmo zuen zortzi aerosorgailuko zentral eolikoaren proiektua atzera bota du Eusko Jaurlaritzako Industria Sailak, faunan, landaredian eta ondarean eragingo lituzkeen kalteengatik. Enkarterriko herritarrak... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]