Alex Salmond Eskoziako ministro nagusiak jada adostu du Espainiako Gobernuarekin Eskoziak independentzia lortzen badu, onartu egingo duela.
Salmondek berak eman du berria The Scotsman egunkarian. Osteguneko erreferendumean independentziak irabazten badu, Europar Batasunean jarraitzeko trabarik jar ez dezan negoziatu du Salmondek Espainiako presidentearekin.
Frantziako, Italiako eta Belgikako gobernuek ere onartu egingo dute herritarren erabakia, independentziaren aldekoa zein kontrakoa izan.
Salmonden gobernuko talde bat "ekintzara pasa" eta baiezkoak irabaziz gero, Eskoziak Europar Batasuneko 28 herrialdeen babesa beharko duela aintzat hartuta, lanean ari direla azaldu du ministro nagusiak.
EBko herrialde gehienek Eskoziaren independentzia onartuko dutela dirudi. 2008an Kosovok independentzia aldarrikatu zuenean, gehiengoak onartu zuten, Frantziak barne, baina ez ordea Espainiak.
“Eskozia onartzen badute, baita Krimea ere”
Bestetik, Serguei Aksionov Krimeako lehen ministroak adierazi du Eskoziaren independentzia onartzen badu, “mendebaldeak ez duela Krimearen independentzia onartzea beste aukerarik izango”.
“Edozein herrialdetako biztanleriaren gehiengoak bere independentzia estatutuaz erabakitzen badu, nik pertsonalki babesten dut”, baieztatu du Aksionovek.
Nazioartean babes urria du Krimeako penintsularen anexioak. Europar Batasunak legez kanpokotzat jo du Errusiara batu izana; horren erakusgarri, erakundeak ez ditu onartu igandean Krimean eta Sebastopolen egindako hauteskundeak.
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak