Eskoziako bigarren independentzia erreferendumari ezezkoa eman dio Boris Johnsonek

  • Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak


2022ko uztailaren 06an - 19:17

Erresuma Batuko Gobernuak orain arte ukandako "blokeo jarrera" kritikatu zuen Sturgeonek aurreko astean, Eskoziako bigarren independentzia erreferenduma egiteko data iragarri zuenean. Hain zuzen, 2014an egindako lehen erreferendumaren antolaketa bera nahi du Eskoziako Gobernuak, baina Boris Johnson Erresuma Batuko Lehen ministroak behin eta berriz ezetza erantzun dio. Azkena, asteazken honetan, gobernu-krisi betean dela.

Sare sozialetan zabaldutako mezu batean Eskoziak independentziarako aukera izango duela berretsi du Sturgeonek, 2023ko urrian erreferendum bidez ez bada hauteskunde orokor baten bidez. “Eskoziar demokrazia ez du ez honek ez beste ezein lehen ministrok preso edukiko”, gehitu du. Boris Johnsonek erreferenduma egiteko aukerari ezezkoa ematen dio gutunean, elkarrekin lan egitearen garrantzia azpimarratuz. Hau izan daiteke Johnsonek Erresuma Batuko lehen ministro gisa egingo duen azken ekintzetako bat.

Erresuma Batuko Gobernuaren baiezkorik lortu gabe ere bozketa egin ahal izatea du xede Eskoziako Lehen ministroak. Horretarako, Erresuma Batuko Auzitegi Gorenari galdetuko diote lege proiektuaren edukia legezkoa den. Epaileek iritzia eman arte Eskoziako Parlamentuak ez du testu horretaz eztabaidatuko.

Lehen galdeketa 2014ko irailaren 18an egin zuten, eta Erresuma Batuan geratzearen alde agertu zen gehiengoa, botoen %55,3 bilduta. Hala ere, gaur egun gehiengoa dute independentistek Eskoziako Parlamentuan. Iazko maiatzean, 64 aulki lortu zituen Sturgeonen SNP alderdi independentistak eta alde dagoen Alderdi Berdeak beste zortzi.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Eskoziaren independentzia
2023-06-12 | Leire Artola Arin
Nicola Sturgeon Eskoziako lehen ministro ohia atxilotuta izan dute zazpi orduz

Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.


2022-11-23 | ARGIA
Londresen baimenik gabe, erreferendum legalik ez
Eskoziari erabakitzeko eskubidea ukatu diote Erresuma Batuko Auzitegiek

Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.


2022-10-11 | Leire Artola Arin
2023an independentzia erreferenduma egiteko asmoa berretsi du Eskoziako lehen ministroak

Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.


Olatu berria Eskoziatik?

Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]


2022-06-28 | ARGIA
Eskoziaren independentziari buruzko erreferenduma 2023ko urriaren 19an egitea proposatu du Sturgeon lehen ministroak

Eskoziako Parlamentuan egindako hitz hartzean eman du horren berri Nicola Sturgeon Eskoziako Lehen ministroak. Aurkezpenean, kritikatu egin du Erresuma Batuko Gobernuak orain arte ukandako "blokeo jarrera".


Eguneraketa berriak daude