Ikasleak ikasgeletara bidaltzea lehenengo fasean aurreikusi gabe dagoela adierazi du Espainiako Gobernuaren EAEko ordezkari Denis Itxasok. Eskolak ireki eta desinfektatu egin daitezkeela esan du, baina ikasleak sartzeko oraindik goizegi dela.
Martxoaren 18tik aurrera EAEko ikasleak ikasgeletara bueltatuko direla adierazi zuen joan den astean Cristina Uriarte Eusko Jaurlaritzako Hezkuntza sailburuak. Klaseetara buelta progresiboa eta mailakatua izango dela adierazi zuen, segurtasun neurri guztiak betetzen direla ziurtatuta.
Sindikatuen, elkarteen eta norbanakoen haserrea piztu zuen erabakiak eta zenbait ikastolek ateak irekiko ez dituztela jakinarazi zuten, Ibarrekolandakoak kasu. Ikasleen eta irakasleen segurtasuna ezin zela bermatu adierazi zuten, eta Hezkuntza sailari hezkuntza eragileekin hitz egiteko eskatu zioten. Ikastetxeetara buelta “ondo diseinatutakoa eta serioa” izan behar zela adierazi zuten, denen onespenarekin.
Egoera horretan, Eusko Jaurlaritzak zentro bakoitzaren esku utzi zuen ateak zabaltzeko erabakia. Hori ere gogor kritikatu dute, hezkuntza zentroei ez dagokien erantzukizuna leporatu diela argudiatuz.
Espainiako Gobernua ere ikastetxeak oraindik ez zabaltzearen alde agertu da, Denis Itxasok adierazi du lehenengo fasean oraindik ezin daitekeela ikasgeletara joan eta bigarren fasean ikusiko dela zeintzuk diren aukerak. Dena den kurtsoa bukatzear dagoela azpimarratu du.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.