Eskola segregazioari aurre egiteko plataforma sortu dute Oionen
Ramiro de Maeztu ikastetxe publikoko 110 familiak salatu dute "eskolatze desoreka handia" dagoela herrian.
aurre egingo dieten hedabide independenteak
"Sare publikoa herritar babesgabeenak eta, batik bat, etorkinak jasotzen ari den bitartean, itundutako sarea –finantzaketa publikoari esker– familia askoren 'babeslekua' bihurtzen ari da". Hala salatu dute Oiongo Ramiro de Maeztu ikastetxeko 110 familiak. Gainera, udalerrian gertatzen ari den eskola segregazioa eta sareen arteko "desoreka handia" salatzeko eta horren aurrean neurriak hartzeko plataforma bat osatu dute.
Nabarmendu dutenez, "Oiongo errealitate sozialari bizkarra ematen ari da" administrazioa, eta erakundeen aldetik euskal eskola publikoaren aldeko apustu irmoa exijitu dute.
Familien esanetan, Eusko Jaurlaritzaren Hezkuntza sailak emandako datuetan agerian geratzen da behin ikasturtea hasi ondoren Oiongo eskoletara sartzen diren ikasle gehienak eskola publikora bideratzen direla. Eta egoera are larriagoa da "zonaldean dagoen irakaslegoaren egonkortasun faltagatik".
Errealitate horren aurrean, matrikulazioaren banaketa orekatua eskatu dute, eta Hezkuntza sailak onartzea aniztasun kultural txikia duten itundutako eskolek ikasturtea ratioen gainetik hastea. Halaber, beste neurri batzuk ere galdegin dituzte sareen arteko orekari eusteko: "Ezinbestekoa da errekurtso gutxi dituzten familiak eskola zehatz batzuetan sartzeko dituzten trabak kentzea, kuotak esate baterako edo eskolaz kanpoko gastuak". Era berean, errefortzuko irakasleak eskatu dituzte, ikasleak epez kanpo iristen direnean; eta behar bereziak dituzten ikasleak eskolatzen dituzten ikastetxeetan baliabide ekonomikoak eta irakasleen kopuruak handitzea.
Oiongo Udalari eta Arabako Errioxako Kuadrillari idatzi bat helarazi diote Ramiro de Maeztu ikastetxeko familiek, haien atxikimendua eskatuz. Era berean, arazoari aurre egiteko instituzioen arteko mahai bat osatzea galdegin dute, egoeraren azterketa sakona egiteko eta egutegi bat prestatzeko neurri zehatzekin.
Datu latza utzi du Ijito Idazkaritza Fundazioaren azken ikerketak: ijitoen %0,8ak baino ez du unibertsitate titulua lortzen. Espektatiba eta erreferentzia falta, eskola-segregazioa, aurreiritziak, arrakala ekonomiko eta kulturala… faktore garrantzitsuak dira,... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]
Euskal hezkuntza sisteman haur zaurgarriak ondo integratzeko dekretua egin zuen Eusko Jaurlaritza Hezkuntza Sailak 2023ko maiatzean eta gaur haren balorazio oso kritikoa egiten du Ikastolen elkarteak: hark ez du balio izan segregazioa amaitzeko. Hainbat proposamen ere egin... [+]
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Miravalles-Redin eta Irabia-Izaga ikastetxetako ikasleen guraso talde batek Nafarroako Gobernuko Hezkuntza Departamenduarekin hitz egin du ikastetxe pribatua sortzeko prozedura ezagutzeko.
A ereduko eskola D ereduko bihurtzea erabaki dute Gasteizko Judimendi auzoan, eta aurre-matrikulazioak emaitza nabarmena utzi du: orain arte profil erdalduna zuen eskolan, 2 urteko gelan izena eman duten 15 umeetatik erdia inguru familia euskaradunetakoak dira... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]
A ereduko eskola D ereduko bihurtuko dute Gasteizko Judimendi auzoan, familia erdaldunen seme-alabei euskaraz ikasteko aukera emateko eta familia euskaradunak erakartzeko. "Estigmatizatuta dagoen eskola da eta buelta eman nahi diogu, auzo-eskolaren izaera berreskuratu nahi... [+]
Benetako integrazioa, gizarteratzea eta laneratzea errazteko gaitasunak garatzen dituena da.
Andoaingo Ondarreta Herri Eskola ezagutzen al duzu? Herri erdi-erdian dagoen hori? Nirekin batera sarrerako atea zeharkatzen baduzu, patioan topo egingo duzu eskola publiko honetako 201 ikasleekin, guztien artean 24 jatorri eta 17 hizkuntza batzen dituztenekin. Barneratuko gara... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]