Eskola estigmatizaturik ez Judimendin: familia euskaradunek ere izena eman dute auzoko eskolan
A ereduko eskola D ereduko bihurtzea erabaki dute Gasteizko Judimendi auzoan, eta aurre-matrikulazioak emaitza nabarmena utzi du: orain arte profil erdalduna zuen eskolan, 2 urteko gelan izena eman duten 15 umeetatik erdia inguru familia euskaradunetakoak dira. “Segregazioa apurka-apurka amaitzea denon nahia da, eta gurasoen inplikazioa eta konpromisoa gakoa da bide horretan”.
A eredukoa izanik, ikasle guztiak jatorri atzerritarreko familien seme-alabak edo etxean erdaraz bizi diren familiak dira Judimendin. Auzoko guraso euskaldunen seme-alabak ere erakarri asmoz, ordea, D eredura pasako da: 2 urteko mailan hasiko da, eta pixkanaka, urte batzuen buruan, maila guztiak hartuko ditu euskarazko murgiltze ereduak. D eredua lehen aldiz izango duen ikasturterako, izena eman duten familien erdia euskaradun gurasoak izateak erakutsi du apustuaren arrakasta: “Oso balorazio ona egiten dugu, beharra zegoela ikusi da; eskolak auzora zabaltzeko ahalegina egin du eta familiek lekukoa hartu dute. Familia talde berri honen ausardia eskertzen dugu, eraldaketa prozesuaren zutabe oso garrantzitsua izango baitira, ezinbestekoa dela esango nuke”, kontatu dio ARGIAri Amaia Zudaire eskolako zuzendariak. Azken finean, “pausoa bakarrik emateak beldurra eman dezake, taldeak beste indar bat du”.
Lanketa baten emaitza ere bada, gurasoekin aurrez izandako hartu-emanak fruituak eman baititu. Trantsizio prozesuaren berri emateko, eskola ezagutarazteko eta familiek behar zituzten azalpen guztiak helarazteko ekimen ugari egin da auzoan. “Familia berrien artean badago kezka, hizkuntzen arteko elkarbizitza hori nola izango den, eta guztiz ulergarria da; azaldu diegu nola jardungo dugun, zein erreferentzia ditugun… eta aurten horri helduko diogu, lanketa garrantzitsua da-eta, esperientziak ere esango digu nondik nora jo”.
Duela urte batzuk A eredutik D eredurako jauzia eman zuen Ramon Bajo ikastetxea ere izan dute bidelagun. Ramon Bajo Gasteizko alde zaharreko eskola publikoa da eta haien ibilbidea baliagarria izan zaie. “Jasotakoa gure errealitatera ekarri behar dugu; hau hasiera besterik ez da”. Ramon Bajok emandako gakoetako bat: harremanak eta harrera asko zaintzea, urrats bakoitza ondo azaltzea.
"Familia berrien artean badago kezka, hizkuntzen arteko elkarbizitza hori nola izango den, eta guztiz ulergarria da; azaldu diegu nola jardungo dugun, zein erreferentzia ditugun…"
Segregaziotik aniztasunera
Hezkuntzan, ikasleen segregazioa hizketagai nagusietakoa den honetan, aniztasunari ateak zabaldu dizkion Judimendi eredu al da? “Ez gara ezeren eredu –dio Zudairek–, gu ere beste eskolen esperientzietatik abiatu gara eta hausnarketa egin dugu; erronka polita dator, publikoa, anitza eta euskaraz; egungo errealitatea anitza da eta denok gara aldaketa horren parte, denok egin behar dugu bat”.
Judimendi eskola auzoaren errealitatearen isla dela dio zuzendariak, errealitate anitza, aberastasunetik ulertuta. Auzoaren erdigunean kokatua, ingurura irekita dagoen eskola txikia da, Haur eta Lehen Hezkuntza hartzen dituena: “Denok ezagutzen dugu elkar eta horrek asko errazten ditu gauzak, denok batera jarduten dugu; kalitatezko hezkuntzarekin lotuta daude gertutasuna eta hurbileko harremanak”. Ratio txikiak, belaunaldi arteko pedagogia, berriki eraldatutako jolastokia… abantaila erakargarriak dira, Judimendi eskola aukeratu dutenentzat. Eta hori guztia, nola ez, euskaratik eta euskaraz.
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
Azterketak euskaraz gaia aktualitatean jarri zen berriz ekainean, baxoaren hilabetean. Etxepare lizeoko ikasleek aldarrikatzen segitu dute Baionako suprefeturaren edo herriko etxearen aitzinean eta euskaraz ari diren irakasleek prentsaurreko bat eskaini dute azpimarratzeko... [+]
Ikastetxeetako ikasgelak, tamalez, espazio gatazkatsuak izaten dira askotan eta, gatazka gehienetan gertatzen den moduan, emozio intentsuak eta minak izaten dira. 2022an, ikastetxeetan aritzen diren beste eragile batzuekin batera, azken urteetan ikasgela askotan bizirik dagoen... [+]
Datu latza utzi du Ijito Idazkaritza Fundazioaren azken ikerketak: ijitoen %0,8ak baino ez du unibertsitate titulua lortzen. Espektatiba eta erreferentzia falta, eskola-segregazioa, aurreiritziak, arrakala ekonomiko eta kulturala… faktore garrantzitsuak dira,... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]