Hamar urtetan EAEko ikastetxeen %20 ixteko arriskua dagoela ohartarazi dute

  • EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.

“Ikastetxeak ixteko arriskua oso serio hartzekoa da eta hezkuntza sare guztiei eragingo die". Argazkia: Freepik

2024ko uztailaren 10an - 06:03
Azken eguneraketa: 09:36
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Legegintzaldi pare batean hamar ikastetxetik bat-bi ikastetxek ateak itxi ditzaketela EAEn, arrisku hori gainean dagoela eta oso kontuan hartu beharrekoa dela dio Lucas Gortazarrek. Horren atzean bi arrazoi daudela nabarmendu du: batetik, jaiotze tasaren beherakada, eta bestetik, baliabide publikoak beste arlo batzuetara bideratzeko presioa, Osasuna, Zerbitzu Sozialak eta Segurtasuna tarteko. “Oso serio hartzekoa da eta hezkuntza sare guztiei eragingo die”. Gizartean gatazka handia sor dezakeela ere gehitu du.

Hezkuntza politikei lotutako azterketak egiten dituen Esade EcPol erakunde akademiko eta ekonomikoko kidea da Gortazar, eta erakunde horretako hainbat ondorio aurkeztu ditu udako ikastaroetan, El Diario Vascon jaso dutenez.

Jatorri migratzaileko ikasleen segregazioa handia da EAEn eta datuak “kezkagarriak” dira; horra Gortazarrek azpimarraturiko beste ondorio bat. Esade EcPol erakundeak Save The Children-ekin batera egindako txostena ardatz hartuta, 2018tik 2022ra segregazioa gutxitu egin dela dio, baina oraindik ere Espainiako Estatuan gehien segregatzen duen erkidegoa dela, Kataluniaren atzetik. Alegia, sare publikoan kontzentratzen dela jatorri migratzaileko ikasle gehien, itunpeko sarearekin alderatuta. Hain justu, segregazioa izan da berriki onartutako hezkuntza legearen eztabaida nagusietako bat.

"Eskolak ez baditu behar diren tresnak gizarte-inklusioa bermatzeko, komunitate ezberdinak sortuko dira, ghettoak, eta ondorioak izango ditu"

El Diario Vascok berak gaiaz galdetu dio Iñigo Lamarca Arartekoari –Arartekoa izan da EHUko ikastaroa antolatu duena–, eta politika berriak diseinatzearen alde agertu da Lamarca: "Datuak hor daude, etorkinen kopurua askoz handiagoa da sare publikoan pribatuan baino, denok dakigu zein tranpa egiten diren nahi dituzten ikasleak izateko. Lehenik Gasteizen eta Bilbon izan zen, baina zabaltzean joan da". Garbi du Arartekoak: "Eskolak ez baditu behar diren tresnak gizarte-inklusioa bermatzeko, komunitate ezberdinak sortuko dira, ghettoak, eta ondorioak izango ditu: auzoak gentrifikatuko dira, populazioa handiagoa izango da eta horrek eguneroko bizitzan eta euskararengan ere eragina izan dezake".

Gehienak partikularretara

Espainiako Estatistika Institutuaren 2020ko datuak ere hizpide izan ditu Gortazarrek: datu horien arabera, Estatuan eskola partikularretara ikasle gehien doazen erkidegoa da EAE. Zehazki, ikasleen %56k jasotzen ditu eskola partikularrak, eta horrek ere zer pentsatua eman beharko liguke.


Kanal honetatik interesatuko zaizu: Hezkuntza
2024-07-10 | Bea Salaberri
Zer egin nahi duzu geroan?

Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]


Ikasmateriala erosteko familientzako laguntzak DBHko bigarren ziklora zabaldu ditu Jaurlaritzak

DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]


Gazteak teknologiaren ikuspuntu kritiko eta arduratsuan hezteko proiektuaren alde bozkatzeko azken eguna

Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da [+]


2024-07-09 | UEU
Katixa Dolhare Zaldunbide
“Literatura hezkuntzaren zimendua da”

Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]


Barañaingo Alaitz BHIk Batxilergoko D ereduko bigarren lerroa izanen du datorren ikasturtean

Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.


Hezkuntza Sailean, euskara eskubide?

Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.

Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]


“Haurren parte-hartzeak ezin du izan eserita eta hitzaren bidez bakarrik”

Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]


Lan kontuekiko (des)konexio digitala nola kudeatu irakasleek?

Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]


Jolastoki berdeagoak Ipar Euskal Herriko ikastetxeetan, klima aldaketari aurre egiteko

Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]


Barañaingo Alaitz institutuko 26 ikasle batxilergotik kanpo gelditu dira, D ereduko gela bat murriztu dutelako

Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.


PSNren egoitzaren aurrean elkarretaratzea deitu dute Iruñean, D ereduari trabak jartzen dizkiola salatzeko

Euskararen Defentsarako Sareak Nafarroako Gobernuak D ereduari jartzen dizkion trabak salatu nahi ditu. Argi dute Nafarroako Gobernua “edozertarako prest” dagoela “euskararen kontra” jotzeko. Horregatik, elkarretaratzea deitu dute uztailaren 2an,... [+]


Eguneraketa berriak daude