Esa+ez plataformako kideek urtegia handitzeko obrak geratzeko eskatu dute Nafarroako Parlamentuan. Azpiegiturak dituen segurtasun arazoak konpontze aldera, ikerketa zorrotza egitea beharrezkoa dela diote.
Kolektiboko kide Iker Aramendia zangozarraren hitzetan, bereziki presaren behealdean bizi direnentzat dira obra horiek arriskutsuak: "Gure kezka datuekin azaleratzera gatoz. Jada 60 etxebizitza hustu dituzte Esan, mendi-hegala asko mugitzen ari delako".
Ebroko Konfederazio Hidrografikoak (CHE) "lasai" egoteko dio, "lurra 6-8 zentimetro besterik ez delako mugitzen hilean". Aramendiak adierazi duenez, horrek esan nahi du metro bat mugitzen dela urtean: "Izugarri pila da hori".
"Kontua da hilean 13 zentimetro mugitzera heldu dela, eta orain tartea txikiagoa denez, CHEk lasaitasuna transmititu nahi du. Baina gu ez gaude lasai. Herritarrei astean bi orduz uzten diete euren etxeetara sartzen, eta zaintzapean gainera".
Lur mugimenduek presa kaltetu dezaketela azaldu du Aramendiak. "Gertatzen ari denaren arduradun nagusia CHE da, baina Nafarroako Gobernuak ere badu erantzukizuna, berari baitagokio bere herrien segurtasuna bermatzea".
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.