Ertzainza Tubacexeko langileen aurka oldartu da Legebiltzarraren aurrean
Aiaraldetik Gasteizerako martxa egin dute Tubacexeko langileek eta Legebiltzarraren parean bildu dira protesta egiteko. Langileen ordezkariek sartzea lortu dute eta adierazpenak egin dituzte. Kalean, Ertzaintza bitan oldartu da langileen kontra.
Ostegun goizean Tubacexeko 70 langile inguru Amurrion hasi eta Gasteizen bukatu den martxari ekin zioten. Gopegin igaro dute gaua eta 5:30ak aldera abiatu dira hiribururantz.
9:30ak aldera, langileak Legebiltzarraren parean bildu dira eta langile batzordeko kideak sartzen saiatu dira adierazpenak egitera, baina Ertzaintzak sarrera debekatu die eta tentsio uneak izan dira. Azkenean, kide batzuek sartzea lortu dute, baina kanpoan giroak bero jarraitu du eta Ertzaintzak bi aldiz kargatu du langileen kontra.
Tranbia ordubetez gelditu dute protestek eta errepidea husten saiatu denean bortizki oldartu da Ertzaintza. Azkenean, Tubacexeko langileek Legebiltzar ataritik alde egin dute eta amaitutzat jo dute protesta. Hala ere, langileen ordezkariek barruan jarraitu dute.
Tubacexeko langileek 64 egun daramatzate greban, Laudio eta Amurrioko lantegietan, 129 pertsona kanporatuko dituztela salatzeko. Horietatik 95 langile zuzenean kanporatuak izango dira, 22k enpresak eskainitako pizgarria onartu dute eta beste 12k erretiro aurreratua hartuko dute. Hala ere, langile batzordeak ohar baten bidez adierazi duenez "ez da ezer aldatu". "Guztiok jarraitzen dugu itsasontzi berean, eta helburu berarekin: lanean jarraitzea, kaleratze traumatikorik gabe", azpimarratu du.
Oldarraldia bereziki bortitza izan da elkarretaratzearen puntu batean, antza, ibilaldian erabilitako gaztainondoko makil bat kentzeko, besteak beste. @argia @berria @naiz_info pic.twitter.com/EyDOChg960
— Aiaraldea.eus (@aiaraldea) April 16, 2021
Amaitutzat jo dute gaurko mobilizazioa grebalariek. pic.twitter.com/T24YLkIGM6
— Aiaraldea.eus (@aiaraldea) April 16, 2021
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.