Ertzaintzak dio droneak BBK Live-n erabili dituela lehen aldiz jendea kontrolatzeko, ez da hala

  • Eusko Jaurlaritzako Segurtasun Sailak zabaldu du BBK Live festibalean droneak erabili dituela "lehen aldiz bere historian gune bat kontrolatu eta zelatatzeko", EiTBk jaso duenez. Hori ez da horrela. Gutxienez bi aldiz erabili izan ditu lehenago protesta sozialak zelatatzeko: Gipuzkoa Zutikek iaz erraustegira eta makro-kartzelara antolatutako martxan eta aurten Bizitza Da Handienak Egian, Munduko Turismoaren Goi Bileraren ondoan egin zuen asanbladan.

Lander Arbelaitz Mitxelena @larbelaitz
2018ko uztailaren 17a
Ertzaintzaren dronea, artxiboko argazki batean.

Uztailaren 12 eta 14 artean Bilboko Kobetamendin egindako BBK Live festibalean segurtasun lanetarako aparailu hegalari hauek erabili zituela jakinarazi du, baita hurrengo operazioetan erabiltzen jarraitzeko asmoa duela ere.

Lehen aldiz orain?

2015eko albiste honetan irakur daiteke bi drone erosi zituela Ertzaintzak orduan. Txio honetan ikus daiteke Ertzaintzaren logoa eta guzti duen dronea.

Azpiko argazki hau Zubietan atera zuten Gipuzkoa Zutikeko kideek eta ikusten da modelo bera dela.

Gerora, 2017ko maiatzaren 27an, Gipuzkoa Zutikek erraustegira eta makro-kartzelara martxa antolatu zuenean, Ertzaintzak babestutako gunean drone bat izan zuten manifestariek buru gainean.

Argazki oina

Hemen bideoa.

Bestetik, Bizitza Da Handiena dinamikak, protesta sozialen astea deitu zuenean Donostian, Egia auzoan asanblada egin zutenean, dispositibo hegalaria jarri zieten asanblada grabatzen era nabarmenean. Kaioz inguraturik, buru gainean izan zuten aparailua pare bat minutuz.

Turismoaren alorreko mundu osoko ordezkariak Tabakaleran zeudelako, ertzainez hartua zeuden inguruak. Ondoren, bi pertsona atxilotu zituzten Turismoaren Munduko Erakundeari txistu egiteagatik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ertzaintza  |  Teknologia

Ertzaintza kanaletik interesatuko zaizu...
2018-11-06 | Amaia Lekunberri
Cabacas auzia: Epaiketa azken txanpan sartuta, eta bertsio kontrajarriak bere horretan

Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.


2018-10-24 | Amaia Lekunberri
Cabacas auzia: saioen herena burututa eta bertsio kontrajarriekin

Iñigo Cabacasen hilketaren gaineko epaiketa martxan da urriaren 15etik. Gaztearen heriotza eragin zuen Ertzaintzaren operatiboan parte hartu zuten auzipetutako agente gehienen testigantzak eta lekukoenak kontrajarri egin dira gaur arteko saioetan.


2018-10-17 | ARGIA
Semea hil eta sei urte geroago, barkamena eskatu diete I˝igo Cabacasen gurasoei operatiboko sei ertzainetatik bik

Iñigo Cabacas auziaren barruan epaitzen ari diren sei ertzainetatik bik barkamena eskatu diete hildakoaren gurasoei, astelehenean epaitegiko atean haiekin topo egin zutenean. Fina Liceranzuk, Cabacasen amak, kontatu du gertatutakoa.


2018-10-15 | ARGIA
Sei ertzain aulkian, sei urte ondoren hasi da I˝igo Cabacasen hilketa argitzeko epaiketa

Iñigo Cabacasen hilketari buruzko auzia hasi da astelehen goizean Bilbon, Bizkaiko Auzitegiko 3. Salan. Sei ertzain epaituko dituzte, egun horretan aginte ardurak zituztelako edo gomazko pilotak jaurti zituztela onartu dutelako. Beste ertzain batzuek ere egin zuten tiro, baina auziaren garapenean oraindik ez da lortu jakitea nortzen diren.


2018-10-12 | ARGIA
I˝igo Cabacasen hilketaren gaineko epaiketa astelehenean hasiko da

Ertzaintzaren pilotakadaz hil zen Iñigo Cabacas 2012ko apirilaren 5ean. Sei urte eta erdiren ostean, epaiketari bide emango zaio.


Erraustu = egurtu, konplexurik gabe

“Egia esan eta / Zigorrez erantzun / Gure bizkar moretan / Diteke irakur…”. Julen Lekuonak berriz kantatuko zuen egon balitz Zubietan irailaren 23ko arratsaldean. Zer nezesidaderekin, Markel Olano, zeren beldur?


2018-09-19 | ARGIA
Ertzaintzak aitortu du pertsona bat euskaraz hitz egiteagatik identifikatu zuela

Donostiako Ertzain-etxeko burutzak onartu du herritarren hizkuntza eskubideak ez zituztela errespetatu maiatzean Donostiako Bizitza Da Handiena astean izandako identifikazio batean. Barkamena eskatu du ertzainen izenean eta agenteei jardunbide egokia zein den azaldu zaiela adierazi. Pertsona batek euskaraz hitz egiteko eskatu zien eta bera identifikatzeko eskatu zion ertzain batek. ARGIAk bideoan zabaldu zuen gertaera.


2018-09-10 | ARGIA
Jaizkibelek instituzioei erantzukizuna hartzeko eskatu die, larunbateko Hondarribiko erasoen ondoren

Hondarribiko Alardearen biharamunean oharra argitaratu du Jaizkibel konpainia parekideak, larunbatean jasandako erasoa salatuz. “Hondarribiko Kale Nagusian bizitakoak atzera doan olatu baten alderdirik bortitzena erakutsi zuen”, adierazi du Jaizkibelek idatzian.


2018-05-30 | ARGIA
Bideozaintzan eta poliziaren datu-kudeaketan ardurak eduki ditu EAEko datuen babeserako ordezkari berriak

Eusko Jaurlaritzak Arantza Sanabria izendatu du EAEko Administrazio Publikoko Datuak Babesteko ordezkari. Estatus berezia izango du lanpostuak, Irekia webgunean irakurtzen denez: legegintzaldi arrunta baino luzeagoa izango da haren agintaldia, sei urtekoa; eta beste hainbeste urtez luzatzeko aukera izango du.


2018-05-15 | Joseba Alvarez
Inboluzioaren mozala

Azken hilabeteotako gertakariek argi eta garbi erakutsi dute Eskubide Zibil eta Politikoei aurre egiteko nolako tresna errepresibo garrantzitsua eta indartsua den Mozal Legea (eta Zigor Kode berria) krisialdi territorialean, ekonomikoan eta sozialean murgilduta dagoen Estatu espainolarentzat. 2015eko uztailaren 1ean indarrean sartu zenetik, etenik ez dute izan oinarrizko Giza Eskubideak garatzen dituzten eskubide hauen aurkako erabakiek zein polizia ezberdinen gehiegikeriek. Protesta sozial... [+]


Eguneraketa berriak daude