Ertzaintzak Brasilen entrenamendu militarrak jaso dituela frogatzen duen dokumentu ofiziala, agerian
Rio de Janeiroko polizia militarreko eliteko kideekin entrenatu diren Espainiako Estatuko polizien zerrenda argitaratu du La Directa hedabideak. Ertzaintzako bi agente han izan ziren, trebakuntza militarra jasotzen giza eskubideak urratu izanagatik salaketa ugari jaso duen unitatearen eskutik.
La Directa hedabideak eskuratu duen dokumentuak frogatzen du 2018ko uztailean Espainiako Estatuko Polizia eta militar talde ugaritako 21 agentek bederatzi eguneko instrukzioa jaso zutela Brasilgo Polizia Operazio Berezietarako Batailoiaren eskutik (portugesezko sigletan BOPE).
Horien artean daude, besteak beste, sei Esquadra Mosso, Espainiako Lurreko Armadako sei kide –Operazio Berezietako taldeko hiru kide, bi soldadu eta sarjentu bat–, Itsas Armadako Infanteriako soldadu bat, bi udaltzain [ez du zehazten nongoak], bi ertzain, Espainiako Polizia Nazionaleko agente bat, aduana-zaintzako agente bat, udaltzaingoko inspektoreorde bat [ez du zehazten nongoa] eta [Bartzelonako] goardia urbano bat.
Barne-dokumentu bat da eta Espainiako armadako eta segurtasun-indarretako kideek atzerrirako teknika militarretan instrukzioa jasotzen dutela ziurtatzen du.
Honela deskribatzen du zer den BOPE La Directako Nil Ribot kazetariak: “BOPE Rio de Janeiroko faveletan izua eragiten duen erakundea da, eta han beraiek egin dituzten hilketak eta giza eskubideen urraketak Amnistia Internazionalak eta beste erakunde batzuek behin eta berriz salatu dituzte”.
BOPE batailoiaren ikurra beldurgarria da: bi pistola gurutze bat osatzen dute, horren gainean garezur bat dago eta labana bat honi sartuta. Kide gehienak fededun ebanjelikoak dira, eta beren buruari “Kristoren garezurrak” deitzen diote, eta 2019ko urtarrilaz geroztik Brasilgo presidente Jaïr Bolsonaro ultraeskuindarraren garaipena bultzatu duen mugimenduaren parte dira. Gobernu aldaketaren aurretik, 13.387 lagun hil zituen Poliziak 2013 eta 2017 bitartean, Rio de Janeiro estatuan bakarrik. Favelen aurkako setioa areagotu egin da Bolsonaroren kordako gobernadore berria iritsi denetik, Winston Witzel epailea. "Narkotrafikoari aurre egiteko" frankotiratzaileak eta metrailadorez hornitutako droneak erabiltzea proposatu du.
Bideo honetan ikus daitezke BOPEko kideen entrenamenduak:
Bideo honetan ikus daitezke BOPE batailoiko kideen argazki batzuk:
Jarraian, Amnistia Internazionalak Brasilgo Poliziaren gehiegikeriaren aurka egindako spota:
La Directak publikatu duen dokumentuak BOPEko buru Marcelo de Castro Corbageren sinadura darama. De Castro prozesatu eta BOPEtik kanporatu zuten 2015ean, operatibo batean legez kanpo diru kopuru erraldoia lapurtu ziotelako Brasilgo narkotrafikatzaile-talde bati. Gerora, absolbitu egin zuten, Polizia erakundera itzuli zen, eta Rio de Janeiroko Udalak saritu egin zuen joan den ekainean.
Eliteko tropa honen gainean dabilen susmoetako bat da, ea zenbaterainoko parte-hartzea izan zuen Marielle Franco aktibista feministaren hilketan. Hainbat lekukok adierazi izan dute BOPEko polizia-ohi bat izan zela, 2018ko martxoaren 14an, ekintzaile soziala tiroz hil zuena, Espainiako polizia eta militarren bidaia baino lau hilabete lehenago.
Hau ez da Espainiako agenteek BOPErekin duten lehen hartu-emana. Sarean bilaketa bat egitea nahikoa da aurkitzeko beren uniforme militarretan Espainiako banderak dituzten poliziak BOPEren egoitzan ateratako argazkiak.
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
ERNE, ESAN eta SIPErekin egin du akordioa Eusko Jaurlaritzak 2025-2028 aldirako. Besteak beste, urteko soldatan 4.200 euro gordineko igoera "graduala" izango du ertzain bakoitzak. Sindikatuen iturriek El Diario Vascori azaldu diotenez, akordioarekin Ertzaintza Espainiako... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]