2021eko urriaren 16a
Identifikatzen ari zen gazte bati "gazteleraz egiteko betebeharra duzu zure nortasun agirian Espainia jartzen duelako" esan zion ertzain batek asteartean Donostian, Ernairen Hispanitatearen egunaren aurkako mobilizazioaren ostean. Gertatutakoa salatu du gazte antolakundeak, sare sozialetan bideo bat zabalduz.
Asteartean Hispanitatearen aurkako mobilizazioa egin zuen Ernai gazte antolakundeak Donostian. Sare sozialetan salatu dutenez, manifestazioaren ostean hiru gazte identifikatu zituen Ertzaintzak.
Identifikazioa eskatzerakoan euskaraz egiteko eskatu zion gazteak ertzainetako bati, euskarazko atentzioa jasotzeko eskubidea duela esatez, eta agenteak "bai, baina gazteleraz egiteko betebeharra duzu zure nortasun agirian Espainia jartzen duelako" erantzun zion. Elkarrizketa erakusten duen bideoa argitaratu du Ernai Donostiak, identifikazioak eta hizkuntza eskubideen urraketa salatuz.
Halakoak gertatzen diren lehen aldia ez dela nabarmendu du gazte antolakundeak.
Baina haiek identifikazioa gazteleraz egingo zutela esan zieten gaztei eta euren nortasun agirian Espainola direla jartzen duela leporatuz.
Ez da lehengo aldia Donostian horrelako hizkuntza urraketa baten aurrean aurkitzen garela eta hau onartezina da.#gazteokindependentzia pic.twitter.com/CWEwfx5drT
— Ernai Donostia (@ErnaiDonostia) October 13, 2021
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
