Erruduntzat jo dute George Floyd hil zuen polizia agente ohia

  • Kargu guztien errudun izendatu dute Derek Chauvin polizia ohia: bigarren graduko nahigabeko hilketa, hirugarren graduko hilketa eta bigarren graduko homizidioa.


2021eko apirilaren 21an - 10:22
Argazkia: David Geitgey Sierralupe Seguir/Flickr

Epaimahaiak errudun izendatu du 2020ko maiatzean George Floyd afro-amerikarra hil zuen polizia. Epaileak laster erabaki beharko du zein izango den zigorra. Nahi gabeko bigarren graduko hilketaren erruduna izanik, 40 urte arteko kartzela-zigorrarekin zigortua izan daiteke Chauvin; hirugarren graduko hilketaren erruduna izanik, gehienez ere 25 urteko kondena; eta bigarren gradukoa homizidioagatik, 10 urte artekoa.

Derek Chauvinek belauna estutu zuen Floyd-en lepoaren kontra zortzi minutu eta 46 segunduz, Floyden heriotza eraginez. Denda bateko langileek poliziari deitu ziotenean hasi zen guztia, Floydek ustez tabako-pakete bat ordaindu baitzuen 20 dolarreko billete faltsu batekin. Akusazioaren froga nagusi bihurtu diren irudietan ikusten denez, Floydek ez zuen portaera bortitzik erakutsi eta ez zien mehatxurik egin agenteei.

Etenik gabeko hilketak

Floyden heriotzak, 2020ko maiatzean, arrazismoaren eta polizia-indarkeriaren aurkako protesta-bolada  eragin zuen Amerikako Estatu Batuetan eta nazioartean. Chauvinen erruduntasuna publiko egin den momentuan gero eta tentsio handiagoa dago herrialdean. Izan ere, astearte arratsaldean 16 urteko Ma’Khia Bryant neska beltza hil du Columbuseko poliziak. Segurtasun-indarren arabera, nerabeak beste bi neskatila mehatxatu zituen laban batekin. Agintariek diotenez, larrialdi-zerbitzuaren dei bati erantzun ondoren joan zen hara polizia, eta tiro egin zion.

Azkenaldian hilketa gehiago eragin ditu poliziak AEBetan: azken asteetan hil dituzte 20 urteko Daunte Wright afroamerikarra (Minesota) eta 13 urteko Adam Toledo (Chicago).

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Polizia gehiegikeria
Gomazko pilotak erabili al ditu Ertzaintzak Gasteizen, lehen aldiz Cabacasen heriotzaz geroztik?

Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]


Angel Berrueta omendu eta hogei urteren ostean aitortza ofizialik gabe jarraitzen duela salatu dute

Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.

 


2024-03-14 | Irutxuloko Hitza
Alta eman diote Ertzaintzak zauritutako Realeko zaleari

PSGren aurkako partidaren aurretik izandako karga polizialean zauritu zuten pilotakada batez emakumea.


2024-03-08 | Axier Lopez
Eneko Andueza
"Ni ez naute inoiz pilota edo borra batekin jo, mugimendu horietan ez naizelako sekula egon"

PSE-EEko lehendakarigai Eneko Anduezari elkarrizketa egin diote Euskadi Irratian eta bere "konfiantza" adierazi dio Ertzaintzari azken asteotan eragin dituen karga eta zaurituen harira.


2024-03-08 | Axier Lopez
Ertzaintzak Gasteizen eragindako zenbait zaurituren irudiak argitara eman dituzte

Martxoaren 3ko manifestazioan Ertzaintzak foam jaurtigailuekin eta borrekin zauritu zituen zenbait herritarren argazkiak zabaldu ditu LAB sindikatuak, Poliziaren inpunitatea amaitzeko neurriak exijitzearekin batera.


Eguneraketa berriak daude