“El absentismo laboral es, en la actualidad, una de las principales lacras que tienen que soportar las empresas en nuestro país”. Patronalaren hitzak dira, enpresetan absentismoa kudeatzeko gida batetik ateratakoak. Ez dute ezer esan azken egunetan eztabaidagai nagusietakoa izan den lan eskubide berria dela eta. Esanguratsua da, oso.
Agian gaia aztertzeko denbora behar dute. Edo izan liteke lege hau guztien begietara oztopatzeko beharrik ez izatea, badakitelako euren esku dagoela aitortza formalak lan munduan eskubide erreal bilakatzea. Ahalmen hori ematen die lan legeriak eta gobernuen baldintzarik gabeko babes politikoak. Izan zuten aukera hori aldatzeko, mugatzeko sikiera, baina ez zuten horrelakorik egin lan erreformaren erreforman.
Sexuaren araberako lan banaketak, etxean egiten diren zaintzei lan izaera ukatzea, merkatuan egiten direnei benetako balioa ez aitortzea; edota lan osasunerako eskubidea lanbide feminizatuen eta emakumeen arabera aztertzeko aukerarik ez ematea… egiturazko arauak dira. Idatzi gabeko arau errealak, kapitala ez dagoelako prest hau guztia aldatzeak emakumeei ekarriko liekeen eskubide ekonomiko eta laboralen kostua onartzeko.
Irene Montero Espainiako Gobernuko ministroak esan zuen bukatu dela “hilekoaren minez arrastaka lanera joatea”. Zaila egiten zait pentsatzea bizkarreko minez okerturik lanera doan zaintzaileak, edota lanbidearen ondoriozko eskumuturreko gaitzak eragiten dizkion minak baretzeko pilulaz gainezka lanera doan garbitzaileak, horrela izango dela sinetsiko duenik.
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
ELE, Etxeko Langileen Elkarteak emandako zifra da, Bizkaian egindako galdeketen emaitzak jasota. Urtero bezala, etxeko langile egoiliarren eta kanpo-langileen lan baldintzei buruzko txostena egin du. Egoera erregularrean zegoen %35,38k ez zuen jaso lanbide arteko gutxieneko... [+]
Berdintasuna, haurdunaldia bezalaxe, badago edo ez dago. Berdintasunik ez dagoenean, ezberdintasuna dago, hori da neurtu eta baloratu daitekeena. Akaso berdintasunaren ondorioak izan daitezke gehiegizkoak batzuentzat, baina horrek eztabaida ondorioetan kokatuko luke, sekulan ez... [+]
Errenteria (Gipuzkoa), 1892. Aizpitarte kobazuloetan Gipuzkoako lehen indusketa arkeologikoak egin ziren, Lersundi kondea buru zuen taldearen eskutik. Handik hamaika urtera, 1903an Alfontso XIII.a Espainiako erregeak bisita egin zuen aztarnategira, eta aitzakia horrekin argazkia... [+]