Egin ARGIAkoa

Gizartea Ingurumena Politika Ekonomia Kultura Euskara Feminismoa Hezkuntza Nazioartea Iritzia

asteazkena 2024ko apirilaren 24an

Gipuzkoako erraustegia

Errausketaren Aurkako Mugimenduak crowdfundinga abiatuko du kutsaduraren kontrol independentea babesteko

Erraustegiaren kutsadura kontrolatzeko Zubieta Lantzen elkarteak abiatutako ekimenarekin bat egin du Errausketaren Aurkako Mugimenduak (EAM) eta herritarrei dei egin die babesteko.

ARGIA

2019ko irailaren 12an - 15:27

Inprimatu

Towico Watch elkarteko kideak Zubietan eta inguruetan dira laginak hartzen (arg: EAM)

Zubietako herritarrek erraustegiaren kutsaduraren kontrol independentea bermatzeko ekimena abiatu dute eta zientzialari talde bat bertan da laginak hartzen. EAMek bat egin du "kontrol zientifiko ahalegin" horrekin eta iragarri du crowdfunding edo diru-bilketa herrikoia abiatuko duela finantzazioan laguntzeko.

Mugimenduaren esanetan "agintariek egin beharko luketen baina egin nahi ez duten lana gizarte mugimendu batek sustatzen duenez, lan serio honek herritar guztion laguntza behar eta merezi du", horregatik dei egin dute ekimena babesteko.

EAMen oharra osorik:

"Jakina da erraustegiek kutsadura eragiten dutela eta kaltegarriak direla ingurumenarentzako eta pertsonentzako. Jakina da ere batean eta bestean erraustegiek segitzen dutela martxan agintariek ez dituztelako behar bezala neurtzen eta kontrolatzen sortutako kutsadurak. Horregatik pozgarria da ikustea Zubieta Lantzenek sustatutako kontrol zientifiko ahalegina, beraien hitzetan esan bezala “amesgaizto honen aurkako autodefentsa neurri gisa” planteatua.

Gipuzkoako Foru Aldundiak eta haren arduradun diren EAJko eta PSEko buruzagiek ez dute eten nahi erraustegia abian jartzeko erabakia. Gipuzkoako agintari nagusiek ez dute kontuan hartu Gipuzkoan bertan dagoeneko udalerri askotan demostratu dela badirela errausketarik gabeko alternatiba garbiago, merkeagoak eta osasuntsuagoak; ez dituzte kontuan hartu nahi Gipuzkoako herritarren gehiengoaren nahiak eta protestak.

Herritar eta talde asko, tartean Errausketaren Aurkako Mugimenduan biltzen garenok, saiatu gara agintarien jarrera aldarazten, baina, antza denez, erraustegien atzean dagoen lobbyarekin alderdi hauek dauzkaten lotura eta menpekotasuna gailendu da. Harro harro diotenez, Zubietako erraustegia laster martxan jarri nahi dute. Guk borrokan jarraituko dugu, ahal bada erraustegia piztu ez dezaten, eta piztuko balute ahalik eta azkarren itzalarazteko. Baina EAJ eta PSEko agintarien jokabidea ikusita, prest egon behar dugu erraustegiaren kalteak ezagutu eta neurtzeko ere.

Agintariek egin beharko luketen baina egin nahi ez duten lana gizarte mugimendu batek sustatzen duenez, lan serio honek herritar guztion laguntza behar eta merezi du. Horregatik, Errausketaren Aurkako Mugimenduak babes osoa ematen dio ToxicoWatch eta Euskal Herriko beste enpresa batek egingo dioten ikerketari eta gure bitarteko guztiak jarriko ditugu gardentasun ariketa hau ahalik eta herritar gehienengana iritsi dadin, denok jakin dezagun gure ingurunea dagoeneko nola dagoen, eta erraustegia pizten badute, gauzak zertan diren.

Horrez gain, horrelako ikerketa abian jartzeak koste ekonomikoak dauzkanez eta herritar asko prest agertu garenez gure aportazioa egiteko, Erraustegiaren Aurkako Mugimenduak finantzazioa lortzen konprometitzen gara. Datozen egunetan crowdfunding edo diru-bilketa herrikoi bat abiatuko dugu, norbanako eta eragileei zuzendua, ekimen honek bere fruituak eman ditzan, eta herritarrok kutsadurari buruzko gure datu zientifikoak gure eskuetan izan ditzagun".

Gipuzkoako erraustegia Zubieta Kutsadura

Irakurrienak

Matomo erabiliz

MAPA | Zer bozkatu dute zure bizilagunek?

Asier Iturralde Sarasola

Iaz gehien mailegatu zen euskarazko liburua, Nerea Ibarzabalen 'Bar Gloria'

Gorka Peñagarikano Goikoetxea

Aldaketa mugatuak eta jarraikortasuna gobernuan

Asier Blas Mendoza

Berde-Bildu hegoaldetik

Maite Díaz de Heredia Ruiz de Arbulo

Sinesmenek ez dituzte mendiak mugitzen

Mati Iturralde

Kanal honetatik interesatuko zaizu: Gipuzkoako erraustegia

2024-02-09 | Urko Apaolaza Avila

Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]

2024-01-30 | Uriola.eus

Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.

2023-11-17 | Irutxuloko Hitza

GuraSOS plataformak Zubietako erraustegiaren ikuskaritza bat eskatu du batzar nagusietan

GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]

2023-10-17 | Gorka Peñagarikano Goikoetxea

Jose Ignacio Asensio ikerketapean dago, ingurumenaren aurkako ustezko delitu batengatik

Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.

2023-10-03 | Izaro Villarreal Lauroba

Sutea piztu da berriz Zubietako erraustegian

Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.

Eguneraketa berriak daude