ARGIA.eus

2020ko ekainaren 01a

Eroskik isuna jaso du, Madrilgo presidente ohiaren lapurretaren bideoagatik

  • Espainiako Datuen Babeserako Agentziak (AEPD) 150.000 euroko isuna jarri dio Eroski supermerkatu kateari, 2018an publikatu zen bideo batengatik, non Madrilgo presidente ohi Cristina Cifuentes ageri den segurtasun-langile baten alboan, ustez azalerako krema poto batzuk lapurtu eta gero. Bideoa 2011n grabatu zen.

ARGIA @argia
2019ko urriaren 03a
Cristina Cifuentes, 2011n grabatutako bideoan / OK Diario

Bideoa OK Diario-k publikatu zuen.

Eroskik iragarri du isunari helegitea jarriko diola, bere segurtasun-protokoloa "zorrotz" bete duelako.

AEPD-k, batetik, Eroskiri 100.000 euroko isuna jarri dio irudien segurtasuna ez bermatzeagatik. Datu Pertsonalak Babesteko Lege Organikoak jasotzen duen 9. artikulua urratzen du horrek, El Independiente agerkariak jakinarazi duenez. Halaber, 50.000 euroko isuna jarri dio 4.1 artikulua urratzeagatik, agerian geratu delako argazkiak "berariaz" bildu direla, ondoren modu publikoan erakusteko.

Irudien filtrazioa

Bideoa 2018an zabaldu zen, Cifuentes murgildurik zegoenean unibertsitate-master baten inguruko iruzur kasuarekin, eta gutxira dimititu egin zuen. Oraindik ere, jakiteke dago bideoa nork filtratu zuen. El Independenteren arabera, bideoak pertsona baten aurka egin zuen, baina, hortik harago, beste ustelkeria kasu batzuekin lotutako alderdiaren (PP) sinesgarritasuna gogor kolpatu zuen: "Harritzekoa da PPko inork auzi honetan oposizioa ez aipatzea. Guztiak bat datoz esatean etxe barrutik datorrela".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ustelkeria  |  PP  |  Eroski  |  Datuen zelatariak

Ustelkeria kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude