Kaliforniako San Francisco, Oakland edo Berkeley hirietan, edo Massachusettseko Somervillen erakunde publikoei debekatu egin diete aurpegi errekonozimenduaren teknologia polemikoa erabiltzea, polizia departamentuei barne. Orain, pauso bat harago ematetik gertu da Oregon estatuko Portland hiria, enpresa pribatuei ere hau erabiltzea debekatu nahi baitiete, Fast Company hedabideak informatu duenez. Proposamena lege bilakatzea lortzen badute, 2020ko udaberrian sartuko litzateke indarrean.

Ikerketa bateko zenbakiak izan genituen hizpide atzo eta gaur, Durangoko Azokako bigarren eguna hasi baino lehen, estatistikak aurkitu ditut nire kafesnean –Furra, furra kantakoari agertu zitzaion tanke hura baino gutxiago urduritu naiz, baina ez askoz gutxiago ere–. Streaming bidez musika entzuteko erabiltzen den Spotify plataforma datu pila bat ematen ari da erabiltzaileei, azken urtean entzun dutenaren erradiografia zehatzak.

Oinarrizko eskubideen urraketan jauzi kualitatibo bat eman du berriki Espainiako Estatuak. Beste bat. Hauteskundeetarako bost egunen faltan, Legebiltzarretik pasa gabe, urgentziazko lege dekretu baten bidez, internet zentsuratzen saiatzeko erregimen autoritario baten eskumenak eman dizkio gobernuak bere buruari.

Astelehenetik ostegunera (biak barne, azaroaren 18tik 21era, alegia), Espainiako Orange, Movistar eta Vodafone konpainietako telefono mugikorren erabiltzaileen kokapena bilduko du Espainiako Estatitika Institutuak, INEk. Datuak modu anonimoan bilduko dituzte enpresek, eta ez da hortaz, jakingo nor nondik nora joan den egun horietan. Hego Euskal Herriko erabiltzaileok, adi, Vodafone eta Orange enpresetako telefonoa baduzue, badago aukera zuen telefonoak datu-bilketatik salbuesteko.

Europar Batasunak Microsoftekin dauzkan kontratuek ez dituzte datuen babeserako araudiak betetzen, ikerketa batek argitara eman duenez. Kontratuak dira arazoaren jatorria, baina Office 365ek erabiltzaileen datuak erregistratzen dituela ere bai –Herbehereetako agintariek aspaldi salatutako zerbait, alegia–.

Espainiako Datuen Babeserako Agentziak (AEPD) 150.000 euroko isuna jarri dio Eroski supermerkatu kateari, 2018an publikatu zen bideo batengatik, non Madrilgo presidente ohi Cristina Cifuentes ageri den segurtasun-langile baten alboan, ustez azalerako krema poto batzuk lapurtu eta gero. Bideoa 2011n grabatu zen.

Donald Trumpen administrazioak joan den ostiralean indarrean jarri duen neurri baten ondorioz, Amerikako Estatu Batuetara sartzeko bisatua eskuratu nahi duen edozein pertsonak azken bost urteetan erabili dituen sare sozialei buruzko informazioa eman beharko du.

Eredu produktibo bat da. Historiaren une honetan kapitalismoak jantzi duen azken maskara. Ideologia bat ere bai, etenik gabe errepikatzen dena negozioak nola egin erakusten duten unibertsitateetan, enpresei aholku ematen aritzen diren bulegoetan, ekintzailetza eta enpresa-sorkuntzari buruz nonahi antolatzen diren jardunaldietan. Eta, batez ere, leku guztietako agintariek besarkatu duten masta da, azken hamarkadako ekonomiaren itsaso zakarrak zeharkatu ostean India berriak agertuko direlakoan... [+]

Taylor Swift abeslariak ikusleen aurpegiak arakatu zituen kiosko batean ezkutatutako sentsore biometrikoen bitartez, The Rolling Stone aldizkarian irakur daitekeenez.

Herritarren baimenik gabe posta elektronikora, Whatsappera edo sare sozialetara hauteskunde-propaganda bidaltzeko lege proiektua bultzatzen ari dira Espainiako Estatuan. Beste erakunde eta enpresentzat debekatuta dagoen datuen erabilera egiteko aukera izango lukete alderdiek, legea onartzean.