ARGIA.eus

2020ko uztailaren 03a

Erkidegoek kudeatuko dute hirugarren fasea

  • Espainiako Gobernuak alarma egoeraren seigarren luzapena aurrera atera ahal izango du, EAJrekin eta ERCrekin egin duen akordioari esker. Akordioaren arabera, erkidegoek kudeatuko dute hirugarren fasea. Fase horretan, lurralde unitatea probintzia izango dela adierazi du Espainiako presidenteak, baina EAEren kasuan hiru herrialdeak lurralde unitatetzat hartu ahal izango dira.

ARGIA @argia
2020ko maiatzaren 31
Argazkia. Dani Blanco / Argia.

ERC abstenitu egingo da alarma egoeraren luzapena bozkatzerakoan eta horren truke Europako Batasunetik datorren diruaren kudeaketan erkidegoek ere parte hartu ahal izatea lortu du. EAJk berriz, baiezko botoa emango du. Alderdi horrek hirugarren fasean hartu beharreko neurriak erkidegoko presidentearen ardura izatea adostu du Espainiako presidentearekin.

Gaur egun, Hego Euskal Herria bigarren fasean dago. Ondo bidez ekainaren 8an hirugarren fasea hasiko luke. Espainiako presidente Pedro Sánchezek adierazi du seigarren luzapena azkena izango dela eta ekainaren 8tik 21era arte iraungo duela.

Ekainaren 8tik aurrera EAE osoan ibiltzeko aukera

Hirugarren fasean erkidegoetako presidenteek neurriak hartu, ezabatu edo moldatuko dituzte. Alabaina, salbuespen bat izango da: erkidegotik ateratzeko erabakiak ez lirateke bere gain egongo. Dena dela, Espainiako presidenteak lurralde unitatea probintzia izango dela adierazi du, baina EAJrekin egindako akordioaren arabera, EAEko presidente Urkulluk eta Nafarroako presidente Chivitek Salvador Illa Espainiako Osasun ministroari lurralde unitateak proposatzeko aukera izango dute. Urkulluk lurralde unitatea hiru probintziek osatzea nahi du, eta beraz, hiru herrialdeetan mugitzeko aukera egongo da. Espainian, hirugarren fasean, ez lukete probintziatik probintziara ibiltzeko aukerarik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Koronabirusa

Koronabirusa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude