Ereintza taldea sortu dute, etxebizitzaren arazoari aurre egiteko

  • Etxebizitza arazoari aurre egiteko, Ereintza taldea sortu dute Ipar Euskal Herrian. Egoeraren ikerketa egitea, okupazio esperientziak jasotzea eta sentsibilizazioa eta elkarlana sustatzea dute abiapuntu.

Mikel Garcia Idiakez @mikelgi
2014ko apirilaren 07a
Hilabeteetan, Ipar Euskal Herriko etxebizitzaren arazoa salatu zuten Baionako Plantoun auzoan.

Donaixtiko Saint Michel ikastetxe hutsaren okupazioa eta, batez ere, Baionako Plantoun auzoko etxebizitzarena dira ekimen honen aurrekariak. Hilabeteetako okupazioaren ostean, Habitat Sud Atlantic erakinaren jabearekin hitzarmena lortu zuten herritarrek Plantounen: okupazioa bertan behera uztea hitzartu zuten, baldin eta jabeak beharrean zen familia bati aterpea ematen bazion pisuetako batean.

Lorpen horrek esperientzia positiboak biltzera eraman ditu hainbat herritar, bide horretatik tiraka aterpea behar duen jendeari lagundu ahal zaiola iritzita. Hala sortu da Ereintza, eta aste honetan bertan egingo dute aurkezpena. Apirilaren 11n, Baionako Atalante zineman izango dira, eta Jeudi Noir kolektiboaz mintzo den Ainsi squattent-ils filma proiektatuko dute. Etxebizitza ardatz duen mugimendu paristarra da Jeudi Noir eta mugimenduko kide bat eta filmaren egile Marie Maffre izango dira aurkezpenean. Apirilaren 12an, errepikatu egingo dute egitaraua, Donibane Garaziko Le Vauban zinema aretoan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Etxebizitza eskubidea  |  Lapurdi  |  Nafarroa Beherea  |  Zuberoa

Etxebizitza eskubidea kanaletik interesatuko zaizu...
Azkenak
EGILEA
Eguneraketa berriak daude