Eraso matxista jasaten ari zen emakume batek leihotik ihes egin du Basaurin
Erasotzailea atxilotu egin du Ertzaintzak, genero indarkeria leporatuta. Basaurikoaz gain, beste hainbat erasoren berri jakin da azken egunotan.
Segurtasun Sailak eman du gertaeraren berri. 30 urteko gizonezkoak bikotekideari eraso egin zion, eta emakumeak leihotik ihes egin zuen.
Igandetik astelehenerako goizaldean jazo zen gertakaria, Basauriko Basozelai auzoko etxebizitza batean. Emakumeak salatutakoaren arabera, honen bikotekideak eztabaida hasi zuen berekin, irainei eta kolpeei bide eman ziena. Gizonak emakumea jipoitzeari ekin zion; emakumea itotzen hasi zen unean, honek bere osotasuna arriskuan zegoela antzeman zuen, eta ihesari eman zion leihotik. Beheko solairuko segurtasun barroteei helduta, kalera heltzea lortu zuen.
Behin etxebizitzatik kanpo, auzokideek emakumea artatu dute, eta Ertzaintzari gertaeren berri eman. Gizona genero indarkeria leporatuta atxilotu zuten, eta emakumea Gurutzetako ospitalera bideratu.
Jazoeraren aurrean, Basauriko mugimendu feministak elkarretaratzea deitu du asteartean, 19:30ean San Pedro plazan.
Eraso andana azken egunetan
Basaurikoaz gain, erasoren gehiagoren berri eman dute jakitera azken egunotan. Erasoak Donostian, Erandion, Barakaldon eta Bilbon jazo dira.
Segurtasun Sailak emandako informazioaren arabera, emakume batek astelehen goizean salatu zuen gizon batek eraso egin ziola irailaren 19ko ostegunean, Donostian. Ertzaintzak gizonezko bat atxilotu zuen egun bereko arratsaldean, erasotzailea delakoan.
Bilbon gertatu da beste eraso bat, larunbatean, Uribarri auzoko jaietan. Erasoarekin loturan, bi gizonezko atxilotu zituen Ertzaintzak, eta epailearen aurretik pasa ostean aske geratu ziren astelehenean. Egunero pasa beharko dira epaitegitik.
Astelehenean, indarkeria matxista kasuengatik bi atxiloketa gehiago burutu ziren Bilboaldean. Bata goizaldean: 29 urteko gizonezko bat atxilotu zuen Ertzaintzak, emakume bati sexu erasoa egin izanagatik. Segurtasun Sailak jakitera eman duenez, astelehen goizaldean emakume gazte bat Bolueta inguruetan zen Udaltzaingoaren patruila batengana hurbildu zen, jakinaraziz ezagutzen zuen gizonezko batek sexu erasoa egin ziola inguruetako diskoteka batean. Gizonezkoa diskotekan bertan atxilotu zuten, eta astelehen arratsaldez epailearen aurretik pasa zen, nahiz eta erabakiaren berri ez duen eman Sergurtasun Sailak. Emakumea ospitalera bideratua izan zen.
Beste atxiloketa Barakaldon burutu zen. 23 urteko gizonezko bat atxilotu zuten, bikotekidea jo eta lurrera bota izanagatik.
Horrez gain, Bilboko Deustu auzoan ere elkarretaratzea egin zuten astelehenean, emakume batek larunbatean pairatutako eraso jarraituak salatzeko.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana