Giza katearen 123 kilometroak osatzeko, 50.000 lagunen parte-hartzea beharko da. Izen-ematea Internetez egin daiteke, bai antolaketan parte hartzeko, baita giza kateko zein zatitan jarri nahi den zehazteko ere.

"Ekimen kolektibo honetan, herritarrek hartuko dute protagonismo osoa, herri gisa gure etorkizuna guk geuk erabakitzeko eskubidea dugula eta eta erabakia herritarroi dagokigula baieztatzeko", adierazi dute sustatzaileek.

"Giza kate honek, ziklo ilusionagarria irekitzeko elkarrekin aurrera egiteko dugun premia adierazi nahi du, herritarron zeregina bide honetan funtsezkoa delarik".