Gure Esku: “Euskal gizarteak urratsak egin nahi ditu Euskal Herriaren burujabetza osoaren bidean”
Larunbateko manifestazio jendetsuaren ondoren, erabakitzeko eskubidearen aldeko Gure Esku mugimenduko bozeramaile Josu Etxaburuk eta June Romatetek agerraldia egin dute Donostian. "Euskal herritar gehienak ordezkatzen dituzten erabaki eta adostasunak" lortzeko, "anbizioz" jokatzeko eskatu diete indar politikoei eta eragileei.
aurre egingo dieten hedabide independenteak
Gure Eskuk milaka lagun bildu zituen larunbatean Bilbon, Herri libre bat. Euskal Herriak erabaki lelopean. Manifestazioaren balorazioa egin dute mugimenduko bozeramaile Josu Etxaburu eta June Romatetek astearte goizean, Donostian.
Etxaburuk adierazi du larunbateko mobilizazioak erakutsi duela euskal gizarteak "Euskal Herriaren burujabetza osoaren bidean" urratsak egiteko borondatea duela, "erabakitze eskubidearen aplikazioaren bitartez". Etxaburuk manifestazioan bildutako "jendetza", aniztasuna –"gehiengo politiko eta sozialaren ordezkariek parte hartu baitzuten horretan"– eta jende gaztearen parte hartzea azpimarratu ditu. "Badago beharra, badago nahia eta badago nahikoa indar", aldarrikatu du.
Gure Eskuko bozeramaileak gogorarazi du Euskal Herriko hiru eremu administratiboetan –Euskal Autonomia Erkidegoan, Nafarroan eta Ipar Euskal Herrian– "autogobernua hobetzea helburu duten" dinamikak martxan daudela: "Dinamika ezberdinak dira, erritmo eta ezaugarri ezberdinak dituztenak, baina denek helburu bera dute: estatus juridiko-politikoa eguneratzea". Etxabururen ustez larunbateko manifestazioak adierazten du euskal herritarrek aukera aprobetxatu nahi dutela, "nazio artikulazioaren eta burujabetzaren bidean funtsezko urratsak egiteko".
EAJ
EAJk ofizialki deialdiari ez atxikitzeko erabakia hartu zuen, alderdikideei askatasuna eman bazienere manifestaziora joateko. Etxaburuk, ordea, garrantzia kendu dio horri, eta eskerrak eman dizkie larunbatean Bilbon izan ziren EAJko kideei: "EAJren ordezkaritza zabala izan genuen Bilbon, eta horri bere balioa eman behar zaio, EH Bildurenari, EH Bairenari eta Ahal Dugunarenari ere ematen diogun bezala". Azpimarratu du hurrengo asteetan "eragile politiko eta sindikal guztien arteko harremanak" sendotuko dituztela.
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.
Herri libre bat, Euskal Herriak erabaki lelopean, parte hartzera eta kaleak ikurrinaz betetzera dei egin du herri mugimenduak.
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Aurreko ekainean aurkeztu zuten ekimena Donostian. Maratoiaz gain Iruñean, Donostin, Bilbon eta Gasteizen zuzeneko ikuskizunak izango direla zehaztu dute asteazkenean. Hamabi orduz egongo dira “Euskal Herria irudikatzen”, eta “360 graduko Euskal... [+]
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
