"Popatik hartzera" bidali ditu ertzain batek hiru lagun, euskaraz aritzea eskatzeagatik

  • Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza erakutsi zien.


2023ko uztailaren 06an - 10:37
Azken eguneraketa: 17:13

Gure Esku Dagok Frantziako Tourraren testuinguruan antolatutako kalejiraren ostean gertatu zen eraso, Irunen. Kalejira amaituta, hiru emakumeak ertzain talde batengana hurbildu eta jateko toki baten inguruan galdetu zieten.

Naizek eman du elkarrizketa osoaren berri, emakumeen ahotik (elkarrizketa euskara hutsean argitaratzen dugu, baina ertzainak gazteleraz aritu ziren uneoro) eta Antxeta irratian ere mintzatu dira.

Herenegun, Gure Eskuren deiari erantzunez, 12etan, Irunen ginen ikurrina eskutan, lagun bat, nire alaba eta ni. Ordu batak eta erdiak inguru ziren eta bazkaltzeko toki baten bila hasi ginen. Bi ertzain zeuden Ficoba parean eta han zegoen pankarta baten berri galdetu genien:

- "Hor atzean dago", erantzun zuen batek.

- "Baina etxera eramateko ematen dute soilik", besteak.

-"Bi ertzainetatik batek ere ez dakizue euskaraz?", galdetu nien nik.

- "Badakit euskaraz, baina ez dut erabiltzeko inongo asmorik", batek.

- "Horrela doa euskal polizia", nik.

- "Ni ez naiz polizia euskalduna, polizia espainiarra naiz", beti ertzain berak.

Lur eta zur geratu ginen.

- "Ez daki euskaraz", esan zuen nire alabak.

Mehatxuka hurbildu zitzaion eta erantzun zion: " Zu baino hobekiago dakit euskaraz, eta EGA daukat. Nahikoa da, alde hemendik egin behar duzuena egitera, eta popatik hartzera".

Orduan nik esan nion (gazteleraz): "Mesedez, emango didazu zure identifikazio plaka?".

- "Hau da nire zenbakia", erantzun zigun eskuarne erdiko hatza erakutsiz.

- "Eta popatik hartzera", bigarren aldiz.

Jende gehiago hurbildu zen. Eta alde egin genuen.


Kanal honetatik interesatuko zaizu: Euskaldunen aurkako erasoak
2024-05-17 | ARGIA
Auzitegi Gorenak ez du onartu tramitera Gipuzkoako Aldundiak Uliazpiko hizkuntz eskakizunen harira jarritako helegitea

2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]


Azterketak euskaraz pasatzearen aldeko mobilizazio eguna antolatu dute Euskal Herri osorako

Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.


2024-02-15 | ARGIA
Helegitea jarri diote 119 administrari-plaza egonkortzeari, hizkuntza eskakizuna dutelako

LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.


Errenteriako tabernari baten jarrera euskarafoboa salatu dute

Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.


Eguneraketa berriak daude