Entzunezko Argia Saria: (Min)bizi

  • Iñurri elkarteak minbiziari buruz egiten duen (Min)bizi podkastak jaso du 2023ko entzunezko saria. Feminismotik eta elkartasunetik, deserosoak diren tabuei naturaltasunez heltzen dietelako eman diegu saria, besteak beste.


2023ko urtarrilaren 27an - 17:35
Azken eguneraketa: 2023-01-30 13:38:30

Olatz Mercader, Jordina Arnau, Julene Illarramendi eta Miren Cuerdok jaso dute saria, Iñurri elkartearen izenean.

Honengatik saritu du (Min)bizi podkasta ARGIAk:

"Txingurri txikiek, taldean lan eginda, imajina ezin dezakegun indarra lortzen dute. Ondo dakite hori podkast honen egileek. Medikuaren kontsultatik atera eta bakarrik eta galduta sentitzen direnei, babesa eta elkartasuna eskaintzen dizkiete emakume hauek, euren ahots, gogo eta gorputzetatik.

Sari hau emango diegu, beste inon entzun ez dugun informazio zabala ematen digutelako, eta gaixotasunaren diagnosia jaso dutenei, hautatzeko aukeren leihoak irekitzen dizkietelako, norberak erabaki dezan nola igaro nahi duen bizitzako prozesu neketsu hau.

Gainera, saioz saio gogorarazten digute osasun publikoa ere oso gaixo dagoela, eta baldintza duinak aldarrikatzen dituzte osasun langileentzat zein erabiltzaileentzat.

Feminismoa ardatz, jendarteari deseroso zaizkion pertsonak eta errealitateak mikrofono aurrera ekartzen dituzte, eta gordin bezain goxo hitz egiten dute, urrun nahi ditugun minei eta beldurrei buruz. Tabuak atzean utzi, eta naturaltasunez kontatzen digute oinazearekin ere gozatu daitekeela".

Olatz Mercader, Jordina Arnau, Julene Illarramendi eta Miren Cuerdo / Argazkia: Dani  Blanco

Entzun sarituen hitzak:


Kanal honetatik interesatuko zaizu: Argia Sariak 2023
"Euskarak bizirik iraungo badu, teknologia burujabetza eta kultura librearen bidetik izango da"

Mastodoneko bi komunitate euskaldunek jaso dute 2023ko Interneteko Argia saria: Mastodon.jalgi.eus eta Mastodon.eus. Guztien izenean, Dabid Martinezek nabarmendu zuen euskararen arnasgune eta arigune iraunkorra izan direla azken bost urteetan. Komunitatea osatzen duten milaka... [+]


KRONIKA | Aurrez aurrekoaren xarma

Bi urteko hutsunearen ondoren itzuli gara Usurbilgo Atxega Jauregira. Hotz dago kanpoan, euria ere ez da urruti, eta bazkal aurreko aperitiboa barruan egitea erabaki dute aurten.


Ikusezinei irudia eta ahotsa jartzeagatik

Dena eskubide dugunaren uste orokortu samar bat nabari dut inguruan azken aldian. Kontsumoari lotua ote? Klasetik ere izango du. Dirua, azken batean. Zerrendatzen ditugu lagunartean gure eskubide amaiezinak, betebeharrekin gutxiago gogoratuta eta oinarrizko eskubideak zapaltzen... [+]


2023-01-27 | Dani Blanco
ARGAZKI GALERIA | Giro goxoa Usurbilgo ekitaldian

Jarraian Usurbilgo Atxega Jauregian sari banaketan ateratako hainbat argazki.


Eguneraketa berriak daude