KRONIKA | Aurrez aurrekoaren xarma

  • Bi urteko hutsunearen ondoren itzuli gara Usurbilgo Atxega Jauregira. Hotz dago kanpoan, euria ere ez da urruti, eta bazkal aurreko aperitiboa barruan egitea erabaki dute aurten.


2023ko urtarrilaren 30an - 12:31

Lehen aurpegi ezagunak ikusi ditut, sarrixeago ikusten ditudan batzuk, eta gure urteko topaleku Argia Sarietako bazkaria bilakatu zaigun besteren bat. Kanape eta ardo artean ari da giroa goxatzen eta batekin eta bestearekin ari garela, entzuten ditugu inguruan kameren lehen kliskak, eta Leire Vargas eta Oihana Arana ere hasiak dira beren elkarrizketekin.

Ordu erdiren bueltan mahaian esertzeko gonbita egin digute, eta batzuk agurtu eta besteei gero arte esanda, bagoaz bakoitza bere lekura gerturatzen. Dagoeneko gehienok begiratua dugu izendatutako lekua eta nor izango ditugun mahaikide. “ARGIAkoek ondo zaintzen naute”, pentsatu dut neure baitarako, beti jartzen naute eroso egongo naizen tokian. Hamar lagun, 1936an jaiotakotik 2002an sortutakorainoko abanikoaren barruan. Mundiala. Bazkaldu dugu ondo baino hobeto, solastuz honetaz eta hartaz, eta kafeari emandako lehen hurruparekin batera ekin diote Aner Peritzek eta Haizea Aranak ekitaldiari.

Mikel Garcia ARGIAko kazetariak irakurri du lantaldearen mezua, eta segidan banatu dituzte sariak: ARGIAko taldeko baten aurkezpena, bideo labur bat, sarituen izenak, garaikurra eta sarituen hitzak.

Emozioz bizi izan ditut saritutako lanak zein diren jakitea bezala, sarituen hitzak entzutea ere bai. Amaren abizena daraman lanaren aitortza miretsi dut, euskaraz eta komunitatean antolatutako sare libre baten sorrerak eta martxak irribarrea atera dit, hil arte bizi behar dela oroitarazi digutenen diskurtsoak hunkitu nau, torturaren eta kartzelaren itzal ilunak uzkurtu dizkit giharrak korapilo bat egiteraino, eta euren hizkuntz eskubideen alde borrokan ari diren bi gaztetxoren hitzek piztu naute.

Aspaldi ikusi gabekoekin egoteko aukera izan dut, ezagutzen ez nuenen batekin bazkaltzekoa, eta Argia Sarien 34. edizioko parte txiki-txiki bat izatekoa. Plazera.

Eskerrak eman nahi dizkiegu ekitaldi honen babesle diren ondorengo erakundeei:

  • Arabako Foru Aldundia
  • Bizkaiko Foru Aldundia
  • Emakunde
  • Eusko Jaurlaritza, Kultura eta Hizkuntza Politika Saila
  • Gipuzkoako Foru Aldundia
  • Kutxabank
  • Laboral Kutxa
  • Nafarroako Gobernua. Euskarabidea, Euskararen Nafar Institutua

Kanal honetatik interesatuko zaizu: Argia Sariak 2023
"Euskarak bizirik iraungo badu, teknologia burujabetza eta kultura librearen bidetik izango da"

Mastodoneko bi komunitate euskaldunek jaso dute 2023ko Interneteko Argia saria: Mastodon.jalgi.eus eta Mastodon.eus. Guztien izenean, Dabid Martinezek nabarmendu zuen euskararen arnasgune eta arigune iraunkorra izan direla azken bost urteetan. Komunitatea osatzen duten milaka... [+]


Ikusezinei irudia eta ahotsa jartzeagatik

Dena eskubide dugunaren uste orokortu samar bat nabari dut inguruan azken aldian. Kontsumoari lotua ote? Klasetik ere izango du. Dirua, azken batean. Zerrendatzen ditugu lagunartean gure eskubide amaiezinak, betebeharrekin gutxiago gogoratuta eta oinarrizko eskubideak zapaltzen... [+]


2023-01-27 | Dani Blanco
ARGAZKI GALERIA | Giro goxoa Usurbilgo ekitaldian

Jarraian Usurbilgo Atxega Jauregian sari banaketan ateratako hainbat argazki.


2023-01-27 | ARGIA
Argiako lantaldearen mezua Argia Sarietan: Garai interesgarriak

Egun pozgarria da gaurkoa, berriz ere aurrez aurre ospatuko ditugu Argia Sariak: betiko aurpegiak eta aurpegi berriak gaude mahai hauen bueltan. 2020an elkartu ginen azkenekoz, gero COVIDak eta debekuek hankaz gora jarri zuten dena… eta errenkadan etorri dira giro... [+]


Eguneraketa berriak daude