Unai Iturriaga Zugaza-Artazak Gara egunkarian Zugazart sinadurapean argitaratzen dituen iritzi tirek jaso dute 2023ko prentsa saria. Aktualitateko gaiei eta auziei umorez eta zorrotz heltzen dielako eman diogu saria, besteak beste.
Honengatik saritu ditu Zugazart iritzi tirak ARGIAk:
"2019ko ekainaren 3an publikatu zuen estreinako lana kazetaren Iritzi sailean, gainerako zutabeen alboan. Bere aurrekoak egindako ibilbidearen aitortza moduan, zera idatzi zuen: “Zorrotz eta garratz merezi zutenekin. Maitasunez eta samurtasunez behar zutenekin”. Eta, esango genuke, hitzok bere buruari ere aplikatzen dizkiola.
Langile grebak, euskararen kontrako erasoak, Enrique Maya, bertsolaritza, euskal preso politikoak, polizia, Osakidetzaren gainbehera, Irulegiko eskua, Iñigo Urkulluk esan egin eta egiten egin dituenak... baita Palestina, Ukraina edota Brasilgo gertakariak ere. Egunero du aktualitateaz zuri-beltzean idazten eta marrazten, umorez sarri, baina arkatza majo zorroztuta.
Gai da, pintzelada parearekin, errealitateaz duen ikuspegia irakurleok gure egin dezagun lortzeko, egiaz, erakusten diguna errealitatea bera baino sinesgarriagoa gertatzen da-eta".
Entzun sarituaren hitzak:
Zugazart sinadurapean @garanet-en iritzi tirak argiratzen dituen Unai Iturriagaren hitzak Prentsako Argia Saria jaso ostean. #argiasariak pic.twitter.com/C9nNdCOiHo
— ARGIA (@argia) January 27, 2023
Mastodoneko bi komunitate euskaldunek jaso dute 2023ko Interneteko Argia saria: Mastodon.jalgi.eus eta Mastodon.eus. Guztien izenean, Dabid Martinezek nabarmendu zuen euskararen arnasgune eta arigune iraunkorra izan direla azken bost urteetan. Komunitatea osatzen duten milaka... [+]
Bi urteko hutsunearen ondoren itzuli gara Usurbilgo Atxega Jauregira. Hotz dago kanpoan, euria ere ez da urruti, eta bazkal aurreko aperitiboa barruan egitea erabaki dute aurten.
Dena eskubide dugunaren uste orokortu samar bat nabari dut inguruan azken aldian. Kontsumoari lotua ote? Klasetik ere izango du. Dirua, azken batean. Zerrendatzen ditugu lagunartean gure eskubide amaiezinak, betebeharrekin gutxiago gogoratuta eta oinarrizko eskubideak zapaltzen... [+]
Jarraian Usurbilgo Atxega Jauregian sari banaketan ateratako hainbat argazki.