Endometriosia pairatzen duten emakumeei ez zaie gaitza garaiz diagnostikatzen, medikuek sintomak gutxiesten dituztelako

  • Batez ere emakumeek jasaten duten gaitz baten errealitate ezezaguna bistaratu du Querendo Mulleres con Endometriose kanpaina galiziarrak: batez beste zazpi urte baino gehiagoko atzerapenez diagnostikatzen da, pazienteak deskribatzen dituen sintomei ez zaielako behar adina garrantzi ematen.


2021eko uztailaren 27an - 10:33
Azken eguneraketa: 12:36

Hantura eragiten duen gaitza da, hilekoari lotu ohi dena, baina pelbisean, pleuran, bularrean… eman daitekeena. Herritarren %10-15 ingururi eragiten dio eta gaitzak emakume aurpegia du batik bat.

Galiziako kanpainak salatu du osasungintzan babesgabetasun handia dutela endometriosia duten emakumeek, medikuek ez dietelako sinesten. Edo beste era batera esanda, mina dutela esan eta garrantzirik ematen ez dietelako osasun arloko profesionalek, “hilekoaren kontuak” bailiran, edo ez dela hain min handia izango pentsatuz. Ondorioz, min fisikoari min emozionala gehitzen zaiola kritikatu dute, pazienteek sentitzen dutelako ez dietela sinesten, esajeratzen ari direla eta “emakumeok beti zerbait daukagu” mantra dela nagusi. Eragina ere nabaria da sexu harremanetan, min fisiko eta emozionalari dagokionez.

Gaitzaren inguruko ezjakintasunak eta gutxiespenak pazienteen bizi-kalitateari eragiten dio eta antsietate eta depresiora eraman dezake.

Endometriosiari lotutako ikerketa finantzatu behar dela eskatu dute, La Mareak erreportaje mamitsu honetan jaso duenez.


Kanal honetatik interesatuko zaizu: Osasuna
2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


Amurrio, Okondo, Urduña eta Orozkoko Udalek ez dute parte hartuko Laudiok deitutako bileran Osakidetzaren egoera lantzeko, "desleialtasuna" leporatuta

EAJk eskualdean gobernatzen dituen tokiko erakunde guztiek iragarri dute ez dutela parte hartuko Laudioko Udalak deitutako bileran. Guztiek egotzi diote EH Bildu eta Omniako udal gobernu taldeari erakunde desleialtasuna erakustea, hedabideetan horren berri emateagatik, euren... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Eguneraketa berriak daude