Emakumeek gutxiago kobratzen dutela ikusarazteko legea indarrean jarri dute Erresuma Batuan

  • Ostegunetik aurrera enpresa britainiarrek publiko egin beharko dute euren langileen arteko soldata-arrakala. Adituen ustez, neurria aurrerapauso garrantzitsua izango da berdintasunaren bidean.


2017ko apirilaren 06an - 11:40

Erresuma Batuko Gobernuaren Giza Eskubideen eta Berdintasunaren Batzordeak bultzatutako neurriaren bitartez honako datuak eskatuko dizkiete 250 langile baino gehiago duten enpresei: soldaten zifra zehatzak, soldata tarte bakoitzaren sailkapena generoaren arabera eta saria jasotzen duten emakumezko eta gizonezkoen kopurua. Guztira, 15 milioi langile dituzten 9.000 enpresari eragingo dio neurriak.

Datuak, generoaz gain, adina, etnia eta gaitasunen arabera sailkatu beharko dituzte. Izan ere, soldatetan ezberdintasun handiak daude ezaugarri hauen arabera. Adibide gisa, Fawcett Societyren txosten baten arabera, afrikar jatorriko emakumeek zuriek baino %80,4 gutxiago kobratzen dute.

Adituen ustez, legeak berdintasunerako neurriak hartzera bultzatuko ditu enpresak: “Soldata berdintasunerako legediak 45 urtetan lortutakoa baino gehiago lor dezake lege honek bost urtetan”, ziurtatu du Sarah Henchoz abokatuak The Guardian-en.

Neurria aurrera ateratzeak, baina, ez dirudi erraza, enplegatzaileek ez baitute esfortzu handirik egin nahi: Legearen aplikazioaren atarian, inkesta batean galdetutakoen %82k esan du oraindik ez dituela berrikusi bere enpresaren genero eta berdintasun politikak. Galdetutakoen heren batek onartu du ez dituela soldatak berrikusten bere burua babesteko. McKinsey & Company enpresa kontsultariaren ikerketa batek dio Erresuma Batuaren soldata-arrakala ez dela itxiko 2069. urtera arte.


Kanal honetatik interesatuko zaizu: Matxismoa
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude