2021eko urtarrilaren 19a
Aizarnazabalen emakume baten gorpua aurkitu du Ertzaintzak urtarrilaren 4an, indarkeria zantzuekin. Urola ibai ondoko sastrakadi batean lanean ari ziren langile batzuek eman diote abisua poliziari. Rodrigo Gartzia Ertzaintzaren zuzendariak Radio Euskadin baieztatu du urtarrilaren 1etik desagertuta zegoen Donostiako 32 urteko emakumearena dela gorpu hori.
Ertzaintzak eman du albistearen berri eta gorpua forensearen esku jarri dute, eriotzaren kausak aztertu ditzan. Ertzaintzak dio ikerketa zabalik duela eta une honetan "hipotesi guztiak" aztertzen ari direla. Berria egunkariak jakinarazi duenez, Ertzaintzak baieztatu dio gorpuak indarkeria zantzuak dituela.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
