Gizona atxilotu egin dute, eta ostegunean pasako da epailearen aurretik. Senperen beste gizon bat atxilotu dute, emakume bati sexu erasoa egitea leporatuta.
Hilketa matxista leporatuta, 52 urteko gizonezko bat atxilotu du Frantziako Poliziak. Berriak jakinarazi duenez, atxilotuak poliziari deitu zion larunbatean, emaztea hilik aurkitu zuela abisatzen. 53 urteko emakumearen gorpuak indarkeria zentzuak zituen, ubeldura ugari antzeman zizkioten.
Fiskaltzak emakumeari autopsia egitea eskatu du, heriotzaren arrazoien gainean jakiteko. Gizonezkoa atxilo dago Baionako espetxean, eta ostegunean igaroko da epailearen aurretik. Indarkeria matxista aurrekariak ditu.
Urriaren 17an jazotako sexu eraso baten harira, 47 urteko gizonezko bat atxilotu du Senperen (Lapurdi) Frantziako Poliziak. Atxiloketa iragan astean burutu zen.
Donibane Lohizuneko tren geltokiko pasabidean egin zion eraso gizonak 19 urteko emakumeari. Emakumeak ihes egitea lortu zuen. Poliziak ikerteta abiatu ostean, gizona atzeman eta atxilotu zuten. Honek onartu egin du emakumeari eraso egin izana.
Martxoan epaituko dute gizona, eta ordura arte kontrol judizialpean egongo da, epaileak ezarritako neurriak betetzera derrigortuta.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]