Emaginak faltan eta ziurgabetasuna agerian
Gurutzeta ospitaleko emaginek salatu dute ospitalean ez daudela behar beste emagin haurdun dauden pertsonak eta jaioberriak segurtasunez artatzeko.
Txanda batzuetan bat, bi edota hiru emagin gutxiago daudela salatu dute Bilboko Gurutzeta ospitaleko emaginek. Esate baterako, abenduaren 24ko txandan bi emagin gutxiago zeuden, 25ean hiru gutxiago, 28an hiru gutxiago, urtarrilaren 3an bat gutxiago eta 5ean hiru gutxiago. Horren ondorioz, esan dute ez daudela behar beste emagin haurdun dauden pertsonak eta jaioberriak “segurtasunez” eta “kalitatez” artatzeko.
Ospitaleko Langileen Zuzendaritzarekin eta Erizaintzako Zuzendaritzarekin hitz egin dute konponbide bat bilatzeko, baina Osakidetzak oraindik ez du neurririk hartu. Horregatik, erabiltzaileak animatu dituzte erreklamazioak jartzera. Horrekin batera, erditzen doazen pertsonengatik kezka adierazi dute: "Badakigu emakumeak eta haurrak zaretela egoera gehien sufritzen duzuenak".
Gurutzeta ospitalean erditu zen Izaskun, eta bere esperientzia kontatu nahi izan du, baina ez du abizenik eman nahi. Orokorrean erditzea “ona” izan zela kontatu du: "Zenbait beldur nituen; hala nola erditzea gaizki joatea, ez jarraitzea nire erditze plana eta beste gauza batzuk, baina ez nuen konplikazio handirik izan". Halere, emozionalki “oso gogorra” egin zitzaion: "Ziurgabetasuna, beldurra, estresa eta urduritasuna sentitzen nituen banekielako emagin gutxi zeudela, eta arazorik izatekotan arriskutsua izan zitekeela".
"Emakume batzuei azkenean zesarea egin behar izan diete, emaginak beste pertsona bati arreta eskaintzera joan behar izan direlako"
Izaskunen hitzetan, "kalitatezko" arretarik ez ematea eskubide urraketa handia da eta indarkeria matxistaren adierazle garbia: "Bereziki emakumeoi eragiten digunez, ez diote behar beste garrantzia ematen; badirudi ez zaiela inporta gure osasuna". Jendearen bizitza jokoan jartzen ari direla salatu du: "Emakumeon, beste pertsonen zein haurren bizitzak arriskuan jartzen ari dira".
Uste du emagin gutxiago egotearen ondorioz haurdunaldian eta erditzean "zaurgarriago" sentitzen direla: "Haurdunaldiak eragindako kezka eta beldurrez gain, guri ez dagozkigun ardurak hartu behar ditugu; adibidez, arretaren kalitaterengatik kezkatzea".
Haserre eta kezkatuta
Kezkaz hitz egiten badu ere, emaginek eta osasun arloko beste langileek egindako lana txalotu du Izaskunek: "Ez daukat inongo kexarik, zorte handia izan dudalako emaginekin, baina ez luke zorte kontua izan behar". Erditzeko momentuan zailtasun handirik ez izan arren, beste pertsona batzuentzat "oso gogorra" izan dela kontatu du: "Emakume batzuei azkenean zesarea egin behar izan diete, emaginak beste pertsona bati arreta eskaintzera joan behar izan direlako".
Hala ere, nabarmendu du ez dela langileen errua: "Badakit emaginak ez direla horren erantzule, eta ahal dutena egiten dutela, baina haserre gaude Osakidetzak ez duelako neurririk hartzen".
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Suizidioagatiko dolua humanizatzen lagun dezaketen elementuak aztertu eta prebentziorako neurriak azaldu dituzte Suizidioaren humanizazioa ikastaroan, Biziraun elkarteak antolatuta. Osasun arloko profesionalek, suizidioak eragindako heriotza baten bizirauleek eta suizidio... [+]
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Hori da Munduko Osasun Erakundeak iragarri berri duen zenbaki ikaragarria. Horregatik, osasun arloko profesionalen CPTS taldeak prebentzio kanpaina berria plazatu berri du, publiko handia asaldatzeko.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
Plataformak jakinarazi du Bidasoako ospitalean zerbitzua maiatzean itxi zenetik, Donostiako ospitalean ez direla "arreta egokia" ematen ari, kontsulta asko bertan behera uzten ari baitira "alternatibarik gabe". Maiatzean ESK sindikatuak salatu zuen larrialdi... [+]
541. urtean izurriak Bizantziar Inperioa astindu zuen. Historian erregistratutako lehen pandemiatzat jotzen da, eta luzaroan historialariek uste izan dute Afrikako ipar-mendebaldean izan zuela jatorria.
Baina berriki The Journal of Interdisciplinary History aldizkarian... [+]
Ukenduak egiten dituen orok solstizio bueltako data hauetan zeruari begiratu dio: bateko beroa eta besteko ekaitzak, sendabelarrak noiz bildu erabakitzen komeriak izan dira. Ikusten denez, San Joan eguna ez da edozein egun, indar eta sinbolismo bereziko eguna dugu. Edozein... [+]
2023tik 2024ra erregistratutako kasuak aztertu ditu Nafarroako Osasun Publikoko eta Lan Osasuneko Institutuak. Arreta berezia jartzen dute haurtzaroan, zenbat eta gazteagoa izan, orduan eta errazagoa delako hepatitisa kronifikatzea.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
2009tik 2023ra izandako iktus intzidentziak jaso ditu Nafarroako Osasun Publikoko eta Lan Osasuneko Institutuak. Iktusa izan duten nafarren %84k arrisku faktoreren bat zuen.
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.