Elkartasun Egun jendetsua Arrasaten
Euskal preso eta iheslari politikoen eskubideen aldeko eguna ospatu dute larunbatean, batez ere Josu Arkauz arrasatearraren egoeran atentzioa jarri nahian. 25 urte daramatza Arkauzek espetxean eta Europako legediaren arabera kalean egon behar luke.
aurre egingo dieten hedabide independenteak
Egunaren antolatzaileek beraiek esaten duten moduan gehiago antolatu nahiko ez luketen egunak goizetik hasi eta gaueko ordu txikietara arte ekintza mordoa izan zituen bera baitan. Goizean adibidez, merkatu alternatibo eta puzgarri eta jolasez beteriko umeentzako esparru bihurtu zuten Biteri Plaza.
12:30tarako hasi ziren urtero legez herriko taberna guztietan egiten diren kontzertuak. Batzuek taberna barruetan egin zituzten, besteek aterpeak aprobetxatuz, batzuek eszenatokian. Euriak ez zuen eguerdi parte horretan gehiegi lagundu, baina musika hotsa nabarmen entzun zen kaleetan barrena. Goizean hasitako kontzertuei 17:00etan eman zieten jarraipena eta taberna gehienak doinu ezberdinekin bete ziren.
Goizean umeentzako parke eta azoka zena, 220 pertsonarentzako bazkaltzeko toki bihurtu zen eguerdi partean. Menu goxoa (paella, entsalada eta saiheskia parrillan) eta berbetarako gogo handia, omenaldi eta guzti borobildu zuten bertaratutakoek.
Arratsaldeko 19:30tarako gelditu zen eguneko ekitaldi garrantzitsuena. Herriko Plazatik irtenda, kale ezberdinak zeharkatu zituen euskal preso, errefuxiatu eta iheslarien alde buruturiko manifestazioak. Ehundaka lagun bildu zituen bere baitan gainera manifestazioak eta guztiek Herriko Plazan egin zen omenaldian eman zuten azken pausua, Plaza goraino betez.
Bertan, txalaparta doinuak entzun eta gero, Josu Arkauzek preso daramatzan urteetan gertatu diren gauza esanguratsu batzuk aipatu nahi izan zituen, urtez urte, jendeak kontziente izan dadin zenbaterako ematen duten 25 urtek. Ohorezko aurreskua eta gero, txalo zaparrada artean agurtu zituzten preso eta iheslarien lagun eta senitartekoak.
Eguna baina, ez zen bertan amaitu, gaueko 22:00etatik aurrera Gaztetxera gerturatu zenak kontzertu ederraz gozatzeko aukera eduki baitzuen 4 talderekin: Screaming for Change, Bar Remigio, Flyshit eta azken aldian indar handia hartu duen Eskean Kristo.
Eta gauak luze jo du, egunak 24 ordu baditu ere, elkartasunak ez daukalako denbora mugarik.
Albistea Mondraberrik argitaratu du eta bertatik ekarri dugu ARGIAra
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.