Elkarretaratzera deitu dute Ultzaman Lizasoko festetan izandako sexu erasoa salatzeko
Asteazkenean, Ultzamako udaletxearen aurrean 19:30ean elkarretaratzera deitu du Ultzamaldeko Gizarte Zerbitzuen Mankomunitateak. Larunbat gauean, gizon batek ukituak egin zizkiola salatu du emakume batek Foruzainen aurrean. Oihuka hasi zenean, erasotzaileak ihes egin zuen.
Ultzamaldeko Gizarte Zerbitzuen Mankomunitateak gogor gaitzesten du larunbat gaueko erasoa eta emakumearen esku jartzen ditu behar dituen baliabide guztiak eta slaketa prozesuan laguntza emateko prest azaldu da. Kalea, eguna eta gaua guztion gozamenerako dela azpimarratuta, Mankomunitateak emakumeek espazio guztiak askatasunez okupatzeko eskubidea dutela aldarrikatzen du.
Ultzamaldeko Gizarte Zerbitzuen Mankomunitateak dei egiten dio gizarteari jarrera sexita eta erasoen aurrean geldirik ez geratzeko. Erasotzaileak babestu eta emakumezkoak erruduntzat jotzen duen eredu kulturala errotik aldatzeko deia egiten dute.
“Gertakizun matxisten” gaineko isiltasuna apurtzeko asmoz, kontzientzia piztu eta jendartea sentiberatzeko helburuarekin, kalera irtetzeko deia egin du Ultzamaldeko Gizarte Zerbitzuen Mankomunitateak. Elkarretaratzea asteazkenean, arratsaldeko 19:30ean eginen da Ultzamako udaletxearen aurrean.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]