Mundu Biraren bosgarren mendeurrena eta Joan Sebastian Elkano goraipatzeko Espainiako eta EAEko erakunde publikoek sustatutako ekitaldiek aurrera jarraitzen dute. Oraingoan, ordea, ekimen horietako batek ez du helburua lortu. Unibertsoko izar bati Elcano izena jartzeko ekimena sustatu zuen Elkano Fundazioak, Aranzadi eta Iruñeko planetarioaren laguntzaz. Baina ez dute lortu.
Iruñeko Planetarioa eta Aranzadi Zientzia Elkartearekin batera, Elkano Fundazioak HD 149143 izarrari eta haren exoplanetari Elcano eta Nao Victoria izenak jarri nahi zizkieten. Elkano Fundazioko proiektuen koordinatzaile Rafa Zulaikaren hitzetan, Elkano eta Magallaesek egindakoa "gizateriarentzat garrantzi handikoa izan zenez, hunkigarria litzateke Elkanok zeruan haren tokia topatzea".
Urria eta azaroa bitartean hainbat izenen artean hautatzeko aukera eskaini zuten Nombra Exoplanetas webgunean. Bozka gehien lortu duten hautagaietatik kanpo geratu da Elcano-Victoria bikotea. Hemendik aurrera izar horrek Rosalía de Castro idazle galiziarraren izena izango du.
Asteazkenean mobilizazioa egingo dute bigarren urtez jarraian, "ipar global eta zuriaren menderatze historikoa" salatzeko.
Irailaren 6an Victoria ontzia Sanlucar de Barramedara iritsi zeneko V. mendeurrena ospatu zuten, bost mende lehenago portu hartatik abiatu eta hiru urte geroago lehen mundu bira osatu izana gogoan. Horrelako oroipen ospakizunetan ohikoa denez, urteotan zeharkaldia gogoratzeko... [+]
Eusko Jaurlaritzak irailaren 6a jai-eguntzat izendatu du Euskal Autonomia Erkidegoan, Juan Sebastian Elkanok munduari emandako bira ospatzeko. Gasteizko herri ekimenak elkarretaratzea egin du General Loma enparantzan. Adierazi duenez, "aurrera eraman nahi dugun mobilizazio... [+]