Norberaren zaintzatik hasi eta komunitatera zabaltzeko hainbat galdera eta erreminta erabilgarri proposatzen ditu Olatukoopek. Koronabirusaren krisian zaintzak erdigunean jartzea du helburu.
Gomendio orokor hauek eman ditu norberaren zaintza eta kolektiboen zaintzarako oso erabilgarri izango direnak: gardentasuna, erritmoak errespetatzea eta malguak izatea.
Gardentasunari lotuta, informazioa guztien eskura jarri eta erabakiak denen artean eta batzar moduan hartzea aholkatu du. Erritmoei lotuta daude beste neurri hauek: erritmoak errespetatzea, guztien denborak kontuan izatea, zalantzetarako tarteak eskaintzea...
Malgutasuna izan daiteke krisi egoera honetarako balio eraginkorrenetako bat: "Gogoratu egoerak aldakorrak izan daitezkeela, beraz etengabean errebisatu beharko ditugula hartutako erabakiak (bai indibidualak eta baita kolektiboak ere). Izan gaitezen malguak" aholkatu du.
Maila indibidualean "nola nago?" galdera planteatzen du, hiru eremutan: gorputza, burua eta emozioak. Gorputza mugiaraztea, emozio "on" eta "txarrak" bereiztu gabe hauek adieraztea eta gustuko zerbait egiteko edo ezer ez egiteko tarteak hartzea gomendatzen du.
Elkarrekin bizi direnen artean "nola gaude" galderari erantzutea proposatzen du eta baita ere ordutegiak jartzea, gaiez hitz egin eta denen artean erabakiak hartzeko asanbladak egitea eta etxeko lanak denen artean banatzea: "Zaintza lanak ikusgarri bilakatzeko momentua da".
Kooperatiba eta "enpresa komunitario"etan ere lankide bakoitza nola dagoen jakitea garrantzitsua dela azpimarratu du Olatukoopek: "Pertsonak ez bagaude ondo oso zaila eta presio handikoa izan daiteke martxa produktibo bat jarraitzea". Horretarako, "ezinbestean bermatu behar dugu enpresa kooperatiboa osatzen duten pertsona guztiek izatea haien egoera eta emozioen berri emateko espazio segurua: epairik gabe, gertutasun eta goxotasunetik. Elkartasunetik eta konfiantzatik abiatuta, errespetatu ditzagun bakoitzaren erritmoak eta beharrak".
Gertuenekoen zaintzatik hasita, ahal bada auzoetan antolatzen ari diren zaintza sarean parte hartzeko deia egin du.
Hemen irakur daiteke osorik Olatukoopen zaintza dekalogoa.
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]