Ekainaren 30ean hasiko da Pasaiako Escalerillaseko bizilagunen aurkako epaiketa
Bederatzi familia etxegabetzeko prozedura judizialak abiatu ditu Pasaiako Portuak, eta bost familiaren aurkako epaiketari ekingo diote ekainaren 30ean, Donostian. Kaleratzeak geldi ditzatela eta bizilagun guztiei bizitoki alternatiba bat berma diezaietela exijitu du Euskal Herriko Etxebizitza Sindikatu Sozialistak.
Pasaiako Portuak martxan jarri ditu Escalerillasen bizi diren bederatzi familiak etxegabetzeko prozedura judizialak, eta euren kontrako epaiketa noiz izango den jakinarazi diete jada familia horietatik bosti: ekainaren 30ean egingo diete epaiketa, Donostian (Gipuzkoa). Horren harira, mobilizazio-deialdi bat egin du Euskal Herriko Etxebizitza Sindikatu Sozialistak egun horretarako: goizeko 09:30ean Donostiako epaitegira bertaratzera deitu du, Pasaiako Portuari exijitzeko kaleratze-prozesuak eten ditzala, eta Escalerillaseko bizilagun guztientzat bizitoki-alternatiba bat exijitzeko.
Familia horiek 50 urte baino gehiago daramatzate Escalerillaseko etxebizitza-blokean bizitzen, eta Pasaiako Portua da etxeen legezko jabea. Orain, baina, merkantziak garraiatzeko trenbide bat eraiki nahi dute bertatik, eta etxebizitza-blokea eraitsi eta bederatzi familia etxegabetu nahi dituzte horretarako.
"Kaltetutako familia gehienek ez dute bizitoki-alternatiba egokirik jaso", salatu du Etxebizitza Sindikatu Sozialistak: "Pasaiako Portuak ez die bizitoki-alternatibarik edo konpentsazio ekonomikorik eskaini, etxegabetze-mehatxuak baizik". Hiru familiari "kalte-ordain barregarriak eskaini dizkiete" portuko agintaritzatik, "edo gaur egun beste pertsona batzuk bizi diren etxebizitza batzuetara aldatzea". "Portuak proposatutako alternatiba familia gehiago etxetik botatzea da", dio sindikatuak.
Bizilagunek, Euskal Herriko Etxebizitza Sindikatu Sozialistarekin batera, etxegabetze-prozedurak geldi ditzala exijitzen diote portuari, eta berehala negoziazio-mahai bat ireki dezala. "Enpresa pribatu baten onurarako azpiegitura baterako milioika euro badaude, gaur egun etxerik gabe geratzeko arriskuan daudenen etorkizuna bermatzeko baliabideak ere egon behar dira", gaineratu dute.
Interes pribatuak eta ardura instituzionala
"Trenbide berria, Escalerillas eraisteko aitzakia dena, Eusko Jaurlaritzaren funts publikoekin finantzatutako obra da. Azpiegiturak, ordea, logika erabat pribatu bati erantzuten dio: Algeposa enpresaren kostu logistikoak murriztea", salatu du Etxebizitza Sindikatu Sozialistak. Gaitzetsi du, hala, "diru publikoa erabiltzen" ari direla "enpresa-interesen alde egiteko", "Portuaren jarduerari urteetan eutsi diotenen etxebizitza-eskubidea arriskuan jartzearen kontura".
Dena den, interes pribatuez gain, askotariko "erantzukizun instituzionalak" ere seinalatu ditu sindikatuak. Pasaiako Udalaren (EH Bildu) ardura azpimarratu du lehenik, hura delako "etxebizitzak eraitsi nahi dituena eta etxegabetzeen erantzule zuzena dena"; baina baita Euskal Trenbide Sarearen erantzukizuna ere, "Escalerillas lursailean trenbidea eraikitzeko arduraduna" bera baita.
Urte eta erdi baino gehiago borrokan
Escalerillaseko bizilagunek, Etxebizitza Sindikatu Sozialistaren eskutik, duela urte eta erdi baino gehiago ekin zioten borrokari. Horren erakusle dira, besteak beste, etengabe egindako asanbladak, elkartasun-jardunaldiak, protestak, iazko ekainean Pasaian egindako manifestazio jendetsua, konponbide bat eskatzeko bildutako 2.000 bat sinadurak, udalean aurkeztutako mozioa, eta abar.
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]