Moncloak atzera egin eta uztailaren 1a arte ez du zabalduko Ipar eta Hego Euskal Herriaren arteko muga
Espainiako Industria ministro Reyes Marotok ekainaren 22ko data berria eman eta bi ordura atzera egin du Sánchezen exekutiboak eta muga uztailaren 1a arte itxita egongo da.
Espainiako Industria ministro Reyes Marotok eman du ekainaren 22ko dataren berri, nazioarteko hainbat hedabideren aurrean. Moncloak bi ordu geroago zuzendu egin ditu ministroaren esanak eta lehendik aurreikusitako datari heldu dio: uztailaren 1a.
Martxotik itxita dirau Ipar eta Hego Euskal Herriaren arteko mugak, eta ordutik alde bateko eta besteko biztanleek salbuespen arrazoiekin soilik igaro ahal izan dute mugaz bestaldera. Reyes Maroto Espainiako Industria, Merkataritza eta Turismo ministroak ekainaren 22ko data aipatu du ostegunean egindako agerraldi batean, bi aldeetako lurralde erakundeen eskariari kasu eginez. Berri hori ematearekin batera, jakinarazi da muga zeharkatzen duten iparraldeko biztanleak ez direla berrogeialdian jarriko, hasiera batean asmo hori agertu bazuen ere Espainiako Gobernuak. Nolanahi ere, gaur gaurkoz eta Moncloaren zuzenketaren ondoren, uztailaren 1a arte ezin izango da muga igaro modu librean.
Espainiako Gobernuak uztailaren lehenetik Europar Batasuneko herritarrei mugak zabaltzeko asmoa du, turismoari bide emateko. Pauso hori eman baino lehen Frantziako eta Portugalgo mugak zabaltzea egokitzat jo du Marotok eta testuinguru horretan aipatu du data aurreratzea.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.