Egiptok hiru urratsetako su-eten plana luzatu die Israel eta Hamasi
Egiptoko iturri ofizialek jakinarazi dute su-etenerako plana aurkeztu dietela Israelgo Gobernuari eta Hamasi. Dia Rashuan Egiptoko Informazio Zerbitzu buruak baieztatu du eskaera eta azaldu du aldeekin hitz egin eta haien nahiak kontuan hartuta plan bat landu dutela.
aurre egingo dieten hedabide independenteak
Aldeei proposamen zehatza luzatu dietela adierazi du Egiptoko goi ordezkariak eta orain erantzunaren zain daudela. Europa Presseko iturriak aipatuta, The Guardian-ek dio Hamasek erantzun duela ordezkaritza bat bidaliko duela Egiptora plana aztertzeko, baina, edozein kasutan, ez duela su-etenik onartuko Israelgo Armadak Gazako erasoak eten arte.
Rashuanen erranetan, orain zain daude Egipton, eta erantzunen bat izan arte ez dute xehetasun gehiago emango. Hala ere, Qatarreko Al Jazzera hedabideak jakinarazi duenez, proposamenak hiru maila ditu: lehenengo urratsean Israelek eta Hamasek bahituak eta preso palestinarrak trukatuko lituzkete, zazpi-hamar eguneko su-eten batean; bigarren urratsean, Hamasek preso dituen Israelgo Armadako emakumeak eta preso palestinar gehiago trukatuko lirateke, eta su-etenak astebete gehiago iraungo luke.
Hirugarren fasean hilabeteko negoziazio epea zabalduko litzateke, eta Israelgo militar gehiago eta palestinar presoak trukatuko lirateke; azken urrats honetan, Israelgo Armada Gazatik aterako litzateke eta Gazan gobernu teknokrata bat eratu.
Gantz: “Gerra asko gogortuko da”
Bitartean, Israelgo oposizio buru eta Gerra Gobernuko kide den Benny Gantzek ostegunean adierazi zuenez,“gerra asko luzatuko da” eta “Hamasek irudika dezakeena baino sakonagoa” izango da. Eta orain artekoak ikusita, ez da samurra irudikatzea “gehiago” eta “sakonago” horiek zer esan dezaketen.
Hala ere, analista gehienen ustez, Israelgo Armadak ezin izango du Hamasekin amaitu. Israel erasoaldi militarretik garaile aterako den zalantzarik ez du inork, baina gero eta gehiagoren ustez, beste gerra handi bat galtzen ari da: nazioarteko iritzi publikoarena. Ikerketa ugariren esanetan, urriaren 7ko Hamaseko erasoen ondoren, nazioarteko iritzi publikoaren zati handi batek enpatiaz begiratu zuen Israelera, baina ondorengo eraso handi eta basatien erruz munduan barrena gero eta kritika gehiago jasotzen ari da. Israelgo bertako medioetan ere irakur daitezke gisa horretako analisiak, esterako The Times of Israel-eko artikulu honetan.
“Munizio okerraren biktimak”
Ostegun honetan Israelgo armadako ofizial batek bideo batean onartu duenez, joan den abenduaren 25ean Gazako Mahazi errefuxiatuen eremuaren aurkako erasoan munizio desegokia erabili zuten, eta ondorioz zibil ugari hil zituzten, Gazako Osasun Ministerioaren arabera 70 hildako eta dozenak zauritu. Armadako bozeramailearen esanetan, ikerketa ireki dute gertatutakoaz eta aurrerantzean arreta gehiagorekin arituko dira.
Gaur egun Israelgo Armada eta Hamasen arteko borroka gogorrenak Gaza erdialdean ematen ari dira, eta Israelek dagoeneko hil ditu 21.300 palestinarretik gora, gehienak airez egindako erasoetan, eta horietatik 8.000 baino gehiago haurrak. Gazako eraikinen bi herenak dagoeneko suntsitu dituztela kontuan hartuta, Israelgo Armadako bozemaileen adierazpenak sinesgarritasun gutxi dute. Are gehiago jakinda eraso horietako asko inteligentzia artifizialak gidatutakoak direla.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]