EAren sektore ofizialari eman dio arrazoia epaitegiak, primarioekin lotutako auzian
EAren sektore kritikoak Eba Blanco idazkari nagusiaren izendapenarekin lotuta epaitegietan jarritako salaketa atzera bota dute, ildo ofizialari arrazoia emanez.
Gasteizko epaitegi batek atzera bota du EAren korronte kritikoak aurkeztutako salaketa, eta arrazoia eman dio alderdiko sektore ofizialari Eba Blanco alderdiko idazkari nagusi izendatzeak sortu zuen auzian.
Epaiketa ekainean egin zen Gasteizen, Maiorga Ramirez buru duen Eusko Alkartasunaren korronte kritikoak aurkeztutako salaketa baten ostean. Salaketa horren arabera, Eba Blanco alderdiko buru izendatzeko prozesua "behar bezalako gardentasunik eta bermerik gabe" egin zen.
Sektore ofizialeko iturriek Europa Press albiste agentziari baieztatu diotenez, epaian salaketa ezetsi dute eta primarioen prozesuan "zuzen" jokatu zutela agerian geratu da.
EAren exekutiboa pozik agertu da epailearen ebazpenarekin, prozesuan zehar "gauzak ondo egin zirela frogatzen duelako".
Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]
EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.
Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.