ARGIA.eus

2020ko apirilaren 08a

EAk idazkari nagusia aukeratzeko prozesua abian jarri du, sektore kritikoa desados dagoen arren

  • Eusko Alkartasunaren (EA) batzar nazionalak erabaki du Pello Urizarren ordezkoa aukeratzeko hauteskunde primarioen prozesua abian jartzea. Alderdiko sektore kritikoa ez dago ados erabakiarekin.

ARGIA @argia
2019ko irailaren 13a
Joseba Gezuraga, EAren jarduneko idazkari nagusia.

Ostegun gauean bidalitako ohar batean, EAk iragarri du alderdiko idazkari nagusi berria aukeratzeko hauteskunde primarioen prozesua abian jarriko duela. Oharraren arabera, EAren militantziak hartutako erabakia izan da.

Alderdiko sektore kritikoak Noticias taldeko egunkarietan gezurtatu egin du hori hala denik.

Urak nahasita dabiltza EAn azkenaldian: hil honen hasieran, Carlos Garaikoetxea alderdiaren fundatzaile eta EAEko lehendakari ohiak partidua “desagertzeko arriskuan” dagoela adierazi zuen Deban egin zioten omenaldi batean eta “bide-orri argia” eskatu zuen egoerari buelta emateko.

EAk EH Bildun parte hartzen duen modua da auziaren iltzea Garaikoetxearen hitzetatik ondorioztatzen denez. 2011ko koalizio eredura bueltatzearen alde hitz egin zuen, azken urteetan ezkerreko subiranisten blokeko alderdien artean gertatzen ari den “integrazioa”-rekin desados.

Primarioen inguruko eztabaida, ordea, teknikoagoa da: kritikoen ustez, idazkari nagusia aukeratzeko prozesuak ezin du aurrera egin alderdiko berme batzordeak –partidu barruko gatazketan epaile lana egiten duen organoak– hura behin behinean etetea erabaki duelako, bi kontu argitu arte: EAren afiliatu guztiak biltzen dituen datu-basea alderdiko exekutibako kide guztien esku jartzea; eta kuota ordaintzen ez duten afiliatuak zein diren errebisatzea.

Gipuzkoa, Nafarroa eta Arabako lurralde-koordinatzaileak eta EAren exekutiba nazionaleko kideak daude sektore kritikoan besteak beste, eta irailaren 2an epaitegietara jo zuten afera honengatik. Egun berean, alderdiko zuzendaritzak zigor espedientea ireki zien alderdiko zenbait kideri, aurtengo ekainean prentsaurreko bat antolatzeagatik afiliatuen datu-basera sarbidea eskatuz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: EA

EA kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Eguneraketa berriak daude