Eba Blanco izendatu dute Eusko Alkartasunaren idazkari nagusi
Eusko Alkartasunaren Hauteskunde Batzordeak astelehen goizean Eba Blanco de Angulo izendatu du alderdiaren idazkari nagusi, burutu berriak diren primarietan hautagai bakarra bera dela argudiatuta. Blancok adierazi du alderdia kohesionatzea izanen duela lehen helburu.
Eba Blanco Eusko Legebiltzarraren lehendakariordea da, orain artean alderdiko ezein emakumek erdietsi duen kargurik gorena, Begoña Erraztiz geroztik. Bera izendatu dute Eusko Alkartasunaren idazkari nagusi, primarietako prozesuan benetako hautagai bakarra bera izan dela eta.
Ez da iritzi horretakoa alderdiaren sektore kritiko deitua. Honek Maiorga Ramirez aurkezten zuen kargurako eta baina bere hautagaitza baliogabetu zuen Hauteskundeen Antolaketarako batzordeak. Kritikoek salatu dute Blancok ez dituela betetzen idazkari nagusi izateko baldintzak eta mesprezatu egin dituela EAko militanteak.
📻 @MaiorgaRamirez @ealkartasuna: 'Eba Blancoren aldarrikapenak ez dauka zilegitasunik' 🔊Entzun hemen 👇 elkarrizketa:https://t.co/uC5Jg6qUwz #EA #politika #Faktoria
— Faktoria (@faktoriaEITB) October 28, 2019
EAren barne hautaketa prozesua abiatu zen joan den ekainaren 24an Pello Urizarrek dimisioa eman zuenean alderdiaren idazkari nagusi kargutik.
Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]
EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.
Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.