Miren Aranoak Nafarroako Parlamentuan duen eserlekua utzi du

  • Miren Aranoak Nafarroako Parlamentuan EH Bilduren ordezkari gisa duen eserlekuari uko egin dio. Abuztuaren 28an gauzatuko du erabakia. Jarduera instituzionalari uko egiteko arrazoiak "pertsonalak" baino ez direla adierazi du. "Ilusioz egiten diot aurre nire etapa berriari. Azkenean, nire bi bokazio nagusiak uztartuko ditut: irakaskuntza eta politika", idatzi du Twitterren. Aranoa irakaslea eta Nafarroako Gobernuko Karrerazko Funtzionarioa da, oposaketak gainditu ostean.

Artikulu hau CC BY-SA 3.0 lizentziari esker ekarri dugu.

2020ko abuztuaren 26an - 11:12
Miren Aranoa eta Bakartxo Ruiz EH Bilduko hautetsiak Foru Legebiltzarrean. (Arg.: EH Bildu)

Miren Aranoak egungo erantzukizunari eutsiko dio Eusko Alkartasunaren barruan, Nafarroako lurralde koordinatzaile gisa, EAk ohar batean jakinarazi duenez. Aranoak berretsi egin du EH Bildurekin duen konpromisoa, "Nafarroan aldaketa sozialerako dagoen tresnarik onena eta eraginkorrena delako". EAko Nafarroako koordinatzaileak "ahalik eta ekarpen onena egiten” jarraituko du, “gizarte feministago, anitzago eta jasangarriago baterantz aurrera egiteko, justizia sozial handiagoarekin”. Helburu horretan, EH Bildu “izaera anitzeko koalizio gisa” indartzeko lan egingo du, “Nafarroako sentsibilitate ezkertiar, aurrerakoi eta abertzale guztiak batuko dituena".

Esker oneko mezu ugari jaso ditu sare sozialetan parlamentuan egindako lanarengatik, harekin aritutako hainbat taldetako politikarien aldetik. Bere kideen artean, Bakartxo Ruizek adierazi du "parlamentuan elkarrekin bizi izandakoa itzela" izan dela: "Lankide eta lagun. Muxu handia". Patri Peralesek ere eskertu dio egindakoa: "Mila esker zure lanarengatik eta zorte on zure ibilbide berrian" Gainontzeko taldeetakoei dagokienez, honakoa idatzi du Koldo Martinezek: "Plazer itzela izan da zurekin lan egitea, Miren! Besarkada erraldoi bat!". "Besarkada bat Miren! Plazerra izan da zurekin nire bizitzaren momentu batean elkar aritzea", Ahal Dugu-ko Ainhoa Aznarezek. "Besarkada bat Miren. Plazer bat izan da zurekin momentuak konpartitzea", PSNko Inma Juriok (gaztelaniaz).


Kanal honetatik interesatuko zaizu: Nafarroako Legebiltzarra
Israel Olinpiar Jokoetatik baztertzeko eskatu du Nafarroako Parlamentuak

Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.


6.355 milioi euroko aurrekontua lantzen ari da Nafarroako Gobernua

Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.


Voxen diskurtso xenofoboa geldiarazteko protokolo bat sortu nahi du Nafarroako Parlamentuak

Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.


Pablo González askatzeko mozioa bertan behera utzi dute UPNk, PPk, Voxek eta PSNk

Eskuineko hiru alderdiek aurka bozkatu dute eta Chiviterena abstenitu egin da; aldiz, EH Bilduk eta Geroa Baik Contigo-Zurekinen proposamena babestu dute. Gonzálezek 20 hilabete daramatza Poloniako espetxe batean, akusazioaren frogarik jakinarazi ez bada ere.


Nafarren laurdena pobrezian edo egoera horretan egoteko zorian dago

Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.


Eguneraketa berriak daude