Baliogabetu egin dute Maiorga Ramirezen EAko buru izateko hautagaitza

  • Aurkeztu dituen bermeak ez ditu ontzat eman alderdiko Hauteskunde Antolaketarako Batzordeak. Ramirezek “eskandaluzkotzat” jo du erabakia, eta salatu du batzordeko kide guztiak “sektore ofizialekoak” direla

Artikulu hau CC BY-SA 3.0 lizentziari esker ekarri dugu.

2019ko urriaren 15an - 08:21
Maiorga Ramirezek Karlos Garaikoetxearen babesarekin aurkeztu da EAren idazkari nagusi izateko lehiara

Eusko Alkartasunako idazkari nagusi izateko primarioetara aurkeztu ahal izateko, gutxienez alderdiko 50 afiliaturen bermea lortu behar da. EAko Nafarroako buru eta EH Bilduko foru parlamentari Maiorga Ramirezek 400 aurkeztu ditu. Alderdiko Hauteskunde Antolaketarako (AHA) Batzordearen arabera, lurralde bakoitzeko gutxienez bost aurkeztu behar dira (lurraldetzat harturik Nafarroa, Araba, Gipuzkoa, Bizkaia eta Ipar Euskal Herria). Ramirezek Ipar Euskal Herriko zazpi aurkeztu ditu. Baina AHAk horietako bost atzera bota ditu, eta hartara baliogabetu egin du Ramirezen hautagaitza. Ramirezek berak salatu du urriaren hasieran EAko Berme Batzordeak lurralde bakoitzeko bost berme aurkeztu behar izatearen baldintza erretiratu egin zuela, eta bermeak bildu ahal izateko militanteen errolda eskatuta bitan ukatu diotela. Gauzak horrela, salaketa aurkeztuko du alderdiko Berme Batzordearen aitzinean. Idazkaritza Nagusirako beste hautagaiak, Eva Blancok, 60 berme aurkeztu ditu eta hautagai bakarra denez, aldaketarik ezean, bera izanen da EAko idazkari nagusi berria.


Kanal honetatik interesatuko zaizu: Politika
Haur eskolak euskaraz eskatu ditu berriz ere Iruñeko Euskalgintzak

Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]


Estatuaren indarkeriaren biktimei aitortza ekitaldia eginen die Nafarroako foru gobernuak

Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.


2024-05-16 | ARGIA
ETAren desarmea lagundu zuten bakegileak errudun jo ditu Parisko auzitegiak, baina zigorrik gabe

Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.


Materialismo histerikoa
Isilean

Katalunian ere hauteskundeak izan dira. “Emozioak, pragmatismoa eta xenofobia: Kataluniako hauteskundeen klabeak” titulatu zuen Público egunkariak. Ezkerra dabil pragmatiko eta kudeatzaile han ere, eta emozioak Junts-i lotuta aipatu zituzten. Baina... [+]


Itxialdiak egin dituzte Iruñerriko institutuetan Gazaren alde, nahiz eta Nafarroako Gobernuak espresuki eskatu ez baimentzeko

Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]


Eguneraketa berriak daude