EAJ

"Gutuna ez-jasotzat emango dugu, erantzun behar ez izateko"

  • EAJk abenduaren bukaeran zalantzan jarri zuen JxCat-en estrategia esanez ezin dela herrialde bat zuzendu “internet bidez”. Carles Puigdemonten alderdiak eskutitz bat bidali zion EAJko buruzagitzari, “demokraziarekin” eta Kataluniako gobernu osaketarekin konprometitzeko eskatuz. Euzkadi Buru Batzarreko presidente Andoni Ortuzarren erantzuna ohiz kanpokoa izan zen: eskutitza ez zuela jaso esan zuen, erantzuna saihesteko.


2018ko maiatzaren 29an - 12:07
Andoni Ortuzar, EBBko presidentea (Arg: EITB)

JxCat-ek, alderdi jeltzalearen jarrerarekin kezkatuta, eskutitz bat idatzi zien EAJko buruzagiei, Puigdemonten alderdiko 34 diputatuen partez. Naizek jaso duenez, jeltzaleei adierazi zieten “sorpresa eta ezinegona” eragin zietela Iñigo Urkulluren adierazpen ugarik, auzitan jartzen baitzuten “Kataluniako Gobernuaren egiazkotasuna eta abenduaren 21eko hauteskundeen emaitzak fideltasunez betetzeko estrategia eta erabakiak”.

Horregatik, JxCateko legebiltzarkideek “gure diputatuekiko errespetua” eskatu dute, baita “Kataluniako autodeterminazio librearekin konprometituta dauden herritarren erabakia errespetatzea” ere: “Eskatzen dizuegu, finean, demokraziarekin konprometitzea eta gure instituzioak berrezartzea agintzen duten bozen emaitzekin, Puigdemont presidentea buru dela”.

EBBko presidente Andoni Ortuzarrek JxCat-eko Legebiltzarkide Taldeko presidente Elsa Artadiri eskutitz bat bidali zion otsailaren 2an: “EAJ eta neure burua Kataluniarekin batzen gaituen laguntasun harremanengatik, nahiago dut bidali zenidan eskutitza jaso gabetzat jotzea eta horrela ez erantzutea. Nahi duzuenean eta nahi duzuenerako, beti egongo gara zuekin elkartzeko prest Kataluniako lurretan edo euskaldunetan”.

EAJk hasiera batean Espainiako Gobernuarekin aurrekontuak ez adosteko arrazoia Kataluniaren interesak babestuz 155. artikulua indargabetzea bazen ere, badirudi EAJren eta JxCat-en harremanak aspalditik daudela kolokan. Aurrekontuak adosteari ere egin zion erreferentzia JxCat-en eskutitzak: “Ziur gaude ezein demokraziak ez lukeela ulertuko errepresio politiko egoeran laguntza ematea biolentzia, errepresioa eta elkarrizketarako ezetzarekin bandera josi dutenei, beraien bandera, Espainiako batasuna eskubide demokratikoen gainetik jarriz”.


Kanal honetatik interesatuko zaizu: EAJ
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Alonsotegi auziko absoluzioak etsigarriak dira EH Bildurentzat

Joan den asteazkenean ezagutu zen Alonsotegiko ustezko ustelkeria kasuengatik izandako lehen epaiketaren epaia: akusatu guztiak absolbitu ditu Bizkaiko Auzitegiak. EH Bildu aritu da akusazio partikular moduan auzian eta ebazpena "etsigarria" eta... [+]


Beste emakume batek salaketa jarri du, Ertzaintzak Donostian egindako kargetan zauritu zutelako

Buruan foam jaurtigai batekin kolpea jasotako emakumeaz gain, bigarren pertsona bat zauritu zen Donostian asteartean ertzainek Realeko zaleen aurka egindako oldarraldietan. Ertzaintzak jakinarazi du kasu hau ere ikertzen ari dela.


Erkoreka Xuhar “erruduntzat” hartzeko “kanpaina” egiten ari dela salatu du herri plataformak

Tolosako inauterietan poliziak begian zauritutako gaztea indarkeria polizialaren biktima gisa aitortzeko eskatu du Xuhar herri plataformak. Mobilizazio batera deitu du martxoaren 16rako, Tolosan.


Sekretu Ofizialen Legea aldatzeko bideari ekin diote berriz ere Espainiako Kongresuan

Egungo Espainiako Gobernua osatzea ahalbidetu zuten alderdi gehienek onartu dute EAJk hirugarrenez aurkezturiko proposamena Espainiako Kongresuan, baina zalantzak daude hemendik aurrera PSOEk hartuko duen jarreraren inguruan, beste aldietan sozialistek ez baitute urrats gehiago... [+]


Eguneraketa berriak daude