Eibarko Udalak jai batzordeari jarritako oztopoak salatu dituzte
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak hartutako "erabaki guztiak politikoak" izan direla azpimarratu dute.
Jaixak Herrixak Herrixandakok (JHH) –Eibarko jai batzordeak– adierazi du urteak daramatzala udalarekin hartu emanean jai herrikoiak antolatzeko espazio bat bilatzen. Pasaden urtean izandako "espazio mugatua" ez errepikatzeko eta "herriak merezi duen txosnagunea" lortu ahal izateko, Udalarekin biltzen hasi ziren ikasturtea hasi bezain pronto. Udalak, aldiz, "jarrera itxiaz" jokatu, eta, jai batzordeak proposaturiko espazio aukera guztiei ezetza bideratu die, eta hori, "arrazoirik eman gabe". Hiru proposamen zituzten esku artean, eta bakoitzarentzat "sor zitzakeen kalteei aurre egiteko alternatiba zehatzak" ere aurkeztu zituen JHHk.
Gobernu taldeak egindako proposamenek segurtasun neurriak ez zituztela bermatzen salatu du jai batzordeak, deitoratuta jai herrikoiak "erdigunetik" ateratzeko saiakerak direla. Hala, txosnagunearen "duintasuna" bermatzen ez zutenez, horiek baztertzea erabaki du JHHk.
"Erabaki politikoak"
"Hau da PSE eta EAJren udal-gobernuaren maila politikoa", dio JHHk, "erabaki guztiak politikoak" izan direla salatuta. Udal gobernuak jai herrikoiekiko duen "begirune" falta kritikatu dute eta adierazi dute "kezkaz" bizi dutela Eibarko alkate Jon Iraolak azken urteetan hartu duen "jarrera oztopatzailea". Salatu dute udalak ez dituela "gustuko" auzolan bidezko jaiak eta horiek ahalik eta "murritzen eta urrunen" nahi dituela.
Bide horretatik, "Udalaren eta Jon Iraolaren oztopoen gainetik" herriko eragile desberdinekin elkarlanean egitarau "oparoa" antolatzen ari dela ezagutarazi du JHHk, eta, "ogi apurretatik jaiak loratuko" dituela.
JHHren hiru proposamenak ondokoak ziren: Ego-gaineko autobus geltokia, Txaltxa-zelaiko barraken espazioa, eta aurreko urteko gunearen "birkonfigurazioa". "Beste aukerarik ezean", aurreko urteko espazioa birkonfiguratzea erabaki zuen jai batzordeak, baina udalak txosnagunean ur-gune bat sortzea erabaki zuen. Bide horretatik, eta espazioari "ahalik eta probetxu handiena ateratzeko", txosnaguneko jantokia ur-gunearen alboan jartzeko proposamena helarazi zioten Udalari, "azpiegiturak gunea ukituko ez zuen modu batean". JHHk Udalaren mezu bidezko erantzuna ezagutarazi du: "Gobernu taldean erabaki dugu ur txorroten gainean ezer ezin daitekeela jartzea da (akats ortografikoa mezuarena da). Jantokiaren estrukturak txorroak saihesten baditu ere, mahaiak gainean jarriko lirateke eta, mahai horien gainean jango direnen apurrak, lurrera erortzen direnean txorroten hodiak trabatu ahal dira".
Azken urteetan Eusko Jaurlaritza eta Araba, Bizkaia eta Gipuzkoako foru aldundiak Ticket Bai fakturazio sistema ezartzea exijitzen ari zaie hiri ugaritako jai batzordeetako txosnei. Horren aurrean, Euskal Herriko dozenaka festetako ordezkariek “txosnak eta herri jaiak... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Euskal Herriko hainbat txosna eta jai batzordek deituta, elkarretaratzea egin dute larunbatean Bilboko Miribilla auzoan. Azpimarratu dute txosnak ez direla "edariak zerbitzatzeko barra hutsak", jai herrikoien "bihotza" baizik. Horregatik, Txosnak. Gureak, denonak... [+]
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Behe bandako zutabea bezain erlojuaren aurka prestatzen ditut mozorroak, korrika, aztoratuta, zalantzaz, erretxin, estropezuka eta sarri arrakasta ez erabatekoarekin; adibidez, zutabe hau eta biharko mozorroa. Oraindik ez dakit bietako zein bukatuko dudan lehenago. Baina... [+]
Gizakunde (Inauteriak)
Noiz: otsailaren 15ean.
Non: Arizkun eta Erratzun. plazan.
------------------------------------------------
Amaitu dira inauteriak, sutan erre ditugu gaiztoak, gaizkiak, sardinak eta panpinak. Baina xomorroak esnatu dira eta badator... [+]
Lantzeko inauteri txikien kalejira ikusle guztien begietara urtero modukoa izan zen. Txatxoak, Zaldiko, Ziripot eta Miel Otxin herriko ostatuko ganbaratik jaitsi eta herritik barna bira egin zuten txistularien laguntzarekin. Askok, ordea, ez zekiten une historiko bat bizitzen... [+]
Martxoaren 2an igandea Iruinkokoak berriz ere Iruñeko karrikak hartu ditu.
Hamarkada batez lokarturik izan ondotik, otsailaren 22an iratzarriko dute hartza Miarritzen. Festilasaik, Arroka elkarteak, Maritzuli dantza konpainiak, Gaztetxeak eta Ikastolak bat egin dute, aurten, programazio berezi bat eskaintzeko.
Kaskarotak eta maskaradak urtarriletik dabiltza martxan, Malerrekakoak etorri dira segidan eta pixkanaka han eta hemen ospatu dira inauteri festak. Aurten, ordea, data nagusiak berandu datoz oso; Kandelaria egunean Hartza esnatu zen, baina ilargiari begiratu eta beste pixka... [+]
Lazkaon 1960-70ko hamarkadan galdu ziren inauteriak berreskuratzeko asmotan dabiltzala irakurri dugu azken asteetan. Festa haietatik abiatuta herriko hainbat talde elkartu eta otsailaren 28an plazaratuko dira inauteriak ospatzera. Xehetasun gehiago jakin nahian Oin Arin dantza... [+]
Bi asteburu direla atera dira lehen kaskarotak: Beskoitzekoak. Eta martxora arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira Beskoitzeko kaskarotak, baina ez bakarrak... [+]