EAErako neurri berriak ezarri ditu Jaurlaritzak
Miren Gotzone Sagardui Osasun sailburuak jakinarazi ditu LABIren Aholku Batzordeak astelehenean erabakitako neurriak. Asteazkenetik konfinamendua ezarriko da Araba, Bizkaia eta Gipuzkoa mailan, eta baita 500eko intzidentzia tasa baino gehiago duten herrietan ere. Eskola kirola baimenduko da, soilik entrenamenduetarako eta gehienez ere seiko taldeetan.
Sagarduik egoera epidemikoa “kezkagarria” dela adierazi du astelehen eguerdian eman duen prentsaurrekoan, eta kutsatze tasaren joera goranzkoa dela. “Ziurgabetasuna” dela nagusi adierazi du, inguruko herrialdeen egoera eta Erresuma Batuko COVID-19aren aldaerari aipamena eginez. Egoera horri aurre egiteko, LABIaren Aholku Batzordeak neurri “prebentibo” berriak erabaki ditu, egun indarrean daudenak mantentzearekin batera. Hauek dira Jaurlaritzak hartutako erabakirik esanguratsuenak, dekretu bidez indarrean jarriko direnak asteazkeneko 00:00etan:
- Lurralde mailako konfinamendua Araba, Bizkaia eta Gipuzkoarako.
- 500eko intzidentzia tasaren gainetik dauden herrien konfinamendua, mugakide dituzten herrietara joateko debekuarekin. Herri horietan taldeko kirola ere debekatuta egongo da. Astelehen eta ostegunero berrikusiko da herri horien zerrenda.
- Eskola kirola baimentzea, soilik entrenamenduetarako, eta gehienez ere seiko taldetan. Taldeak iraunkorrak izan beharko dute, eta debekatuta dago eladagelak erabiltzea. (kazetarien galderei erantzunez, Sagarduik ukatu du eskola kirola baimentzeko erabakia jendartean piztu diren protestekin zerikusirik duenik, eta erabaki erabat “teknikoa” dela ziurtatu du).
- 150 metro koadrotik goragoko establezimenduen gehienezko edukiera %40an, eta gutxiagokoak %60an.
- Apustu eta joko etxeek ateak irekitzeko aukera izango dute, ostalaritzako muga berdinekin.
Neurri berri horiez gain, egun indarrean dauden gainontzkeo neurri murriztaile eta debekuek indarrean jarraituko dute, hala nola: EAEko konfinamendu perimetrala, sei pertsona baino gehiago biltzeko debekua, kalean egoteko debekua 22:00ak eta 06:00ak artean; ostalaritzak eta jatetxeek beranduenez 20:00etan ixteko agindua –500eko intzidentzia tasatik goragoko herrietan itxiera erabatekoa–.
“Hilabete zailak datoz”
Sagarduik etorkizun hurbila ilun marraztu du –“Hilabete zailak datoz”–, baina baikor azaldu da, eta egoerari aurre egingo zaiola ziurtatu du. Helburua intzidentzia tasa 60ra jaistean ezarri du (prentsaurrekoan adierazi duenez, egun 300etik gorakoa da). Batetik, osasun azpiegitura, txertoa eta neurri berriak izango dira oinarria. Bestetik, auzolana “gakoa” izaten ari dela eta aurrerantzean ere izango dela adierazi du Osasun sailburuak. Eusko Jaurlaritza, aldundiak eta Eudel auzolanean ari direla ziurtatu du, “gobernantza gardena eta lankidetza” oinarri. Herritarrei eskerrak eman dizkie erakusten ari diren arduragatik eta auzolanerako jarrerarengatik.
Pandemiak agerian utzi ditu, bere gordintasun osoan, zaharren, haurren eta dependentzia egoeran dauden herritarren arreta-eredu neoliberalaren ondorioak. Konfinamendu garaian loratutako diskurtso kritiko eta alternatiba komunitarioak sendotzeko unea da orain”. Horrela hasi... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]