Euskal kulturako editoreak kexu agertu dira Eusko Jaurlaritzak industriarako diru-laguntzarik iragarri ez duelako. Euskal Autonomia Erkidegoko liburu dendetako langileen %95a ERTEan dagoela jakinarazi dute, eta kulturgileentzako eskainitako laguntzak industriara ere bideratzen ez badituzte egoera berean egongo direla adierazi dute.
“Beste behin ere gutaz ahaztu dira”, esan du Jose Manuel Diaz Euskadiko Editoreen Gremioko zuzendariak. “Haserre” azaldu dira Eusko Jaurlaritzako enplegu eta politika sozialetako zein kultura eta hizkuntza politikako sailburuek liburugintza eta editoreen industriarako laguntzarik iragarri ez dutelako.
Era berean, kulturgileei emandako laguntzak babestu ditu, “diru-sarrerarik ez duten autore eta sortzaileek geldialdian bizirautea” ahalbidetzen duelako. Baina industria babesten duten neurriak ahaztu dituztela dio, eta industria babesten ez badute autoreek ez dutela lan hori non sortu eta zabaldu izango.
EAEko liburu denden %13ak atea ixtea aurreikusten dutela esan du, eta neurririk hartu ezean kopuru hori hazi egingo dela. Hori horrela Joxean Muñoz Eusko Jaurlaritzako kultura kontseilari ordeari sektorea indartzeko neurriak proposatu dizkietela adierazi du. Alde batetik sektorean dirua sartzea proposatu dute, laguntza, kreditu eta pizgarri bidez.
Bestalde, liburu dendetako kontsumoa bultzatzeko ere eskatu diote Eusko Jaurlaritzari: liburutegi publikoek bertatik erostea sustatzea 2,5 milioi euroko laguntzekin eta publiko orokorrari bonoak banatzea kontsumoa bultzatzeko. Bono horientzako aurrekontua milioi bat eurokoa izatea eskatu dute.
Hezkuntza sailari eskolarako euskarazko liburuak editatzeko diru-laguntzak ere eskatu dizkiete, liburu denda askok ezinbestekoa baitute testu liburuak saltzea negozioa mantendu ahal izateko.
Jaurlaritzatik erantzun askorik ez momentuz
Jaurlaritzak emandako erantzun bakarra liburutegi publikoek erositako liburuentzako aurrekontua %14 handitzea izan dela adierazi du Diazek. Gainontzeko neurriei dagokionez, baita hezkuntza sailari eskatutakoei dagokionez ere, ez dute erantzunik jaso oraindik.
Liburu-dendok itxita jarraitzen dugun bitartean, Amazon inozkorik eta salmenta handienak egiten ari da, Gobernuaren baimenaz. Hori bai, gaur, martxoak 31, autonomoen kuota pasatu digute, besteak beste. Ez dakigu egoera honi denbora luzez eusteko gai izango garen. pic.twitter.com/4gfj0g1ysv
— Hitz liburu-denda (@hitzliburudenda) March 31, 2020
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.