EAEko justizia administrazioko greba bertan behera utzi dute, akordioa lortu ostean
ELAk eta LABek akordioa adostu dute Eusko Jaurlaritzarekin, eta, besteak beste, justiziako gainontzeko langileekin parekatuko dituzte soldatak. Nafarroan grebak aurrera jarraituko du.
aurre egingo dieten hedabide independenteak
EAEko justizia administrazioko greba bertan behera utzi dute ELA eta LAB sindikatuek, Eusko Jaurlaritzaren eskaintzaren ondoren. Sindikatuek asteazkenean egin dituzte asanbladak langileei proposamena helarazteko, eta onartu egin dute. Araba, Bizkai eta Gipuzkoako 2.400 langileri eragingo die akordioak.
Akordioak sindikatuen aldarrikapen nagusiak jaso ditu. Hasteko, langileen soldatak EAEko Administrazio Orokorreko gainontzeko langileekin parekatuko ditu, eta horrek soldataren %13ko igoera ekarriko du. Akordioa sinatzean handituko dute soldaten erdia, eta gainontzekoa 2024ko urtarrilaren 1ean. Horrez gain, emakumeen aurkako indarkeriaren epaitegietako langileei soldata plus bat aitortuko zaie. Ibilbide profesionalari dagokion sari osagarria ez du jaso negoziazioak, eta aurrerago negoziatuko dutela adostu dute.
Hilabete greban
Apirilaren 17an hasi zituzten hiru orduko lanuzte mugagabeak justizia administrazioko langileek, eta egun osoko greba egin zuten apirilaren 19an. Besteak beste, epaiketa asko bertan behera geratzea ekarri du horrek. ELAk eta LABek salatu zuten hamabi urte zeramatzatela Eusko Jaurlaritzarekin negoziatu nahian.
Lortutako akordioari dagokionez, ELAk adierazi du kolektiboak grebari emandako babesari esker lortu dutela. LAB ere lorpenarekin gustura agertu da, baina adierazi duenez, auzitegi-medikuntzako langileentzat ez dute "aurrerapen nabarmenik" lortu. CCOO, berriz, Jaurlaritzarekin kritiko agertu da, eta salatu du bere greba batzordea kontuan hartu gabe egin dutela akordioa.
Nafarroan aldaketarik ez
Nafarroako justiziako langileek, berriz, grebari eutsiko diote. Deialdia Espainiako Estatu mailan egindakoa da, CCOO, STAJ, UGT eta SCIF sindikatuek deituta. Nafarroan LAB eta APAFNA ere batu dira grebara. Nafarroako Parlamentuan tramitatzen ari diren Antolakuntza Lege Organikoa geldiaraztea eta soldatak igotzea eskatu dute. Sindikatuen arabera, greba "jarraipen zabala" ari da izaten.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Manifestazioa astelehenean, maiatzak 26, izango da 18:30ean Gasteizko Plaza Berritik. ELA, LAB eta ESK sindikatuek deitutako manifestazioan eskatuko dute grebari hasiera eman zion hitzarmen propioa lortzea.
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]