EAEko emakume gazteek beren fisikoarekin duten gogobetetze mailak behera egin du
Irudi fisikoari zein garrantzi ematen dioten eta norbere irudi fisikoarekin gustura al dauden galdetu diete EAEko gazteei. Emakume gazteenak dira itxura fisikoarekiko asebetetze maila txikiena erakusten dutenak.
15-29 urte arteko 4.356 gazte galdekatu ditu Gazteen Euskal Behatokiak, 2021eko abenduan. 0tik 100erako eskalan, irudi fisikoari batez beste 71 puntuko garrantzia eman diote eta 70 puntuko gogobetetzea. Balantzea, beraz, orekatua da, baina aldatu egiten da adin tartearen eta sexuaren arabera.
Adin talde guztietan, gizonek balantze positiboa dute garrantziaren eta beren fisikoaren gogobetetasunaren artean. Emakumeen artean aldiz, 25 eta 29 urte bitartekoek baino ez dute oreka hori, eta gazteenak dira kritikoenak: 15-19 urteko emakumeengan, 6 puntuko aldea dago garrantziaren eta gogobetetzearen artean –alegia, irudiaren garrantziari ematen dioten puntu kopurua baino 6 puntu gutxiago ematen diote euren fisikoarekin duten gogobetetze mailari–.
Aurreko inkestekin alderatuta, joera bat nabarmendu du Agurtzane Llano Eusko Jaurlaritzako Gazteriako zuzendariak: “Azken bi urteetan, irudi fisikoari emandako garrantziak gora egin du, eta, aldi berean, gogobetetze-mailak behera egin du, bai gizonen artean, bai emakume gazteen artean, baina nabarmenagoa da azken horien artean”.
Hain justu, edertasun-kanon zorrotzen presioan eta emakumeen itxuraren gaineko presioan jarri du fokua Emakundek, aurtengo M8ko kanpainan.
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]
Behar ez den lekuan autoa aparkatzen duten gidariak salatzen hasi zen Juan Larreta (Iruñea, 1968) duela bost urte. Esklerosi anizkoitza duenez, desgaituak diren pertsonentzako aparkalekuetan autoa uzteko txartela dagokio. Urteak daramatza Nafarroako txartelen erregistro... [+]